جۇمھۇر رەئىس ئەردوغان پىروفېسسور شابان تېئومان دۇرالىنىڭ ۋاپاتى مۇناسىۋىتى بىلەن تېلېگرامما تارقاتتى

تۈركىيە ئاۋازى رادىيوسى خەۋىرى: نويابىر ئېيىدا راك كېسەللىكى سەۋەبىدىن ئىككى قېتىم ئوپېراتسىيە قىلىنغان دۇرالى ئىستانبۇلدىكى ئۆيىدە ئالەمدىن ئۆتتى.

خېلىدىن بۇيان تۈركىيە رادىيو – تېلېۋىزىيە ئىدارىسى — ت ر ت نىڭ ت ر ت 2 قانىلىدا «پەلسەپە سۆھبەتلىرى» پىروگراممىسىنى تەقدىم قىلىپ كېلىۋاتقان دۇرالى، 2000 – يىلى ھازىرقى دۇنيا مەدەنىيىتى ناملىق ئەسىرى بىلەن تۈركىيە يازغۇچىلار بىرلىكىنىڭ تەتقىقات مۇكاپاتىغا لايىق كۆرۈلگەنىدى.

جۇمھۇر رەئىس رەجەپ تاييىپ ئەردوغان، جۇمھۇر رەئىسلىك مەھكىمىسى ئىلىم – پەن، تېخنولوگخيە ۋە يېڭىلىق سىياسەتلىرى ئورگىنىنىڭ ئەزاسى پىروفېسسور دوكتور شابان تېئومان دۇرالىنىڭ ۋاپاتى مۇناسىۋىتى بىلەن تەزىيە تېلېگراممىسى تارقاتتى.

دۇرالىنىڭ تۈركىيە پىكىر دۇنياسىنىڭ مۇھىم بايلىقلىرىنىڭ بىرى ئىكەنلىكىنى ئەسكەرتكەن ئەردوغان تېلېگراممىسىدا: «شۇنداقلا ئىلىم – پەن، مەدەنىيەت ساھەسىدە جۇمھۇر رەئىسلىك مەھكىمىسىنىڭ 2021 – يىللىق مەدەنىيەت – سەنئەت چوڭ مۇكاپىتىنى ئالىدىغان كىشىلەرنىڭ بىرى بولغان ئۇستازىمىزنىڭ ئەسەرلىرى، يېتىشتۈرگەن ئوقۇغۇچىلىرى، سۆھبەتلىرى، دۆلەت ئىچى – سىرتىدىكى تەتقىقاتلىرى بىلەن تەپەككۇر دۇنيامىزغا ئۇنتۇلماس خىزمەتلەرنى قالدۇردى. پىروفېسسور دوكتور شامان تېئومان دۇرالى ئۇستازىمىزغا ئاللاھتىن مەرھەمەت، ئائىلىسى، ئوقۇغۇچىلىرى ۋە ئىخلاسمەنلىرىگە سەۋر تىلەيمەن» دېگەن ئىبارىلەرگە ئورۇن بەردى.