chelik jenubiy qibrista jamege qilinghan hujumni eyiblidi
adalet we tereqqiyat partiyesi bayanatchisi ömer chelik jenubiy qibris rum hakimiyitide larnakadiki chong jamege qilinghan hujumni qattiq eyiblidi.
türkiye awazi radiyosi xewiri: chelik, ammiwi ortaqlishish tor bétidiki sehipiside élan qilghan bayanatida, jenubiy qibris rum hakimiyitide larnakadiki chong jamege qilinghan hujumni qattiq eyiblidi, hemde rum hakimiyitining islam we türk düshmenlikining namayendisi bolghan bu hujumlargha qarshi yéterlik tedbirlerni qollanmaywatqanliqini tekitlep mundaq dédi: «rum hakimiyiti bultur oxshash shekildiki ighwagerlik herikiti otturigha chiqqanda weqeni paal tekshürmidi, buning tebiiy netijisi süpitide yene oxshash shekilde qebih bir weqe yüz berdi, bu hujumlarning jawabkari, islam we türk düshmenlikini teshwiq qilghanlardur, bundaq nomussizlarche hujumlarning tekrarlanmasliqi üchün, qibris rum hakimiyitini derhal tedbir qollinishqa chaqirimiz, derweqe, rum hakimiyiti, bu qebih hujumning jawabkarlirini tekshürüp, éniqlap chiqip, tutushi we qanun aldida eng qisqa waqit ichide ulardin hésab sorishi kérek.»
