shentop pütkül dunya ellirini köchmenler mesiliside hemkarliq ornitishqa chaqirdi

türkiye büyük millet mejlisi bashliqi mustafa shentop, yawropa ittipaqi döletlirini öz ichige alghan pütkül dunya ellirining bir yerge jem bolup, köchmenler mesiliside yol xeritisi sizip chiqishi lazimliqini éytti.

1742680
shentop pütkül dunya ellirini köchmenler mesiliside hemkarliq ornitishqa chaqirdi

türkiye awazi radiyosi xewiri: shentop,  polsha ziyariti toghruluq muxbirlarning soallirigha jawab bergende, ziyaritining muweppeqiyetlik  ötkenlikini, türkiye – polsha otturisidiki munasiwetlerning nahayiti yaxshi sewiyede ikenlikini, yenimu yüksek sewiyege yetküzüsh yolida téximu köp gheyret körsitidighanliqlirini qeyt qildi.

u, polsha – bélarusiye chégra liniyeside yüz bergen köchmenler kirizisige munasiwetlik soalgha jawab bergende, köchmenler kirizisining pütkül dunyaning muhim mesilisi ikenlikini tekitlep mundaq dédi: «türkiye uda 10 yildin buyan 5 milyon etrapida köchmenge sahibxaniliq qilmaqta, türkiye dunya boyiche tertipsiz köchmenler mesiliside eng zor qiyinchiliqqa duch kelgen dölettur, emma biz bu mesilini, peqet melum döletlergila, peqet köchmenlerning ötüsh éghizidiki döletlergila, peqet köchmenlik menbesi bolup qalghan qoshna döletlergila emes, pütkül dunyagha munasiwetlik yer shariwi bir mesile, dep qaraymiz.»

pütkül xelqara jemiyetning bu heqte mesuliyetni öz üstige élishi lazimliqini eskertken shentop, mundaq dep körsetti: «yawropa ittipaqi döletlirini öz ichige alghan pütkül dunya elliri bir yerge jem bolup, köchmenlik mesiliside yol xeritisi sizip chiqishi lazim, hemde buning mesuliyitining melum döletlerningla zimmisige yüklinip qélishigha yol qoymasliqi kérek, derweqe, buning mesuliyiti pütkül dunyagha aittur, hetta bezi döletlerning bu heqte téximu chong mesuliyiti bardur؛ chünki ashu döletlerni yashighili bolmaydighan ehwalgha chüshürüp qoyghan amil, bir qisim chong döletlerning siyasetliridur, shu wejidin, ularning özliri sewebchi bolghan mesilining mesuliyitini öz üstige élish mejburiyiti bar, bolmisa, kelgüsi bir nechche yil ichide, pütkül dunyani awarichilikke salidighan téximu éghir mesililerge duch kélishimiz mumkin.»



مۇناسىۋەتلىك خەۋەرلەر