chawushoghlu shiwétsiyede diplomatik uchrishishlarni élip bardi
tashqi ishlar ministiri mewlüt chawushoghlu shiwétsiyede yawropa ittipaqi tashqi munasiwetler we bixeterlik ishliri siyasiti aliy wekili josép borél we bélarusiye diplomatiye ministiri wladimir makéy bilen körüshti.
türkiye awazi radiyosi xewiri: chawushoghlu, yawropa bixeterlik we hemkarliq teshkilatining 28 – nöwetlik ministirlar kéngishi yighinigha qatnishish üchün yétip barghan shiwétsiyening paytexti stokholmdiki diplomatik uchrishishliri heqqide, ammiwi ortaqlishish tor béti Twitter sehipiside élan qilghan bayanatida, mundaq dédi: «stokholmda aldi bilen bélarusiye diplomatiye ministiri wladimir makéy bilen körüshtuq, uchrishishta, türkiye – bélarusiye munasiwetliri, rayonluq özgirishler we tertipsiz köchmenlik mesilisi heqqide muzakire élip barduq.»
chawushoghlu, yene bir uchrishishi heqqide hembehirligen uchurida, mundaq dédi: «stokholmda bir yerge jem bolghan yawropa ittipaqi tashqi munasiwetler we bixeterlik ishliri siyasiti aliy wekili josép borél bilen, afghanistan, liwiye, ukraina we qibris qatarliq küntertipimizdiki tashqi siyaset mesililiri heqqide muzakire élip barduq.»
