түркийә әзәрбәйҗанға тәзийә билдүрди

түркийә әзәрбәйҗанда қараһәйбәт һава мәшиқ саһәсидә чүшүп кәткән һәрбий тик учар айропиланда шеһит болғанлар үчүн тәзийә  байанати елан қилди.

1740878
түркийә әзәрбәйҗанға тәзийә билдүрди

түркийә авази радийоси хәвири: түркийә ташқи ишлар министирлиқи тәрипидин бу һәқтә елан қилинған йазма байанатта, әнқәрәниң, әзәрбәйҗанниң  хизи райониниң қараһәйбәт һава мәшиқ саһәсидә бир һәрбий тик учар айропиланниң чүшүп кәткәнликидин вә қазада шеһит болуш вә йарилиниш әһвалиниң көрүлгәнликидин толиму әпсусланған һалда хәвәр тапқанлиқи билдүрүлүш билән бир вақитта, шеһитларға аллаһ тааладин рәһмәт, йариланғанларға шипалиқ тиләнди.

түркийә дөләт мудапиә министирлиқиниң аммиви ортақлишиш тор бети Twitter сәһиписидә елан қилинған байанатта, мундақ дейилди: «қериндаш дөләт әзәрбәйҗанда дөләтлик чегра мулазимәт идарисиға аит бир һәрбий тик учар айропиланниң чүшүп кәткәнликидин толиму әпсусланған һалда хәвәр таптуқ, бу ечинишлиқ һадисидә аримиздин айирилип қалған шеһитлиримизға аллаһ тааладин рәһмәт, йаридарлиримизға шипалиқ тиләймиз, пүткүл әзәрбәйҗанлиқ қериндашлиримизға тәзийә билдүримиз һәм сәвр - тақәт тиләймиз.»

әзәрбәйҗанда дөләтлик чегра мулазимәт идарисиниң һәрбий тик учар айропиланиниң, шу җай вақти әтигән саәт 10 дин 40 минут өткәндә, хизи райониниң қараһәйбәт һава мәшиқ саһәсидә чүшүп кәткәнлики билдүрүлгәниди.



مۇناسىۋەتلىك خەۋەرلەر