چاۋۇشئوغلۇ ياۋروپا بىخەتەرلىك ۋە ھەمكارلىق تەشكىلاتى يىغىنىغا ئىشتىراك قىلىدۇ

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى يازما بايانات ئېلان قىلىپ: «ھۆرمەتلىك مىنىستىرىمىز 2021 – يىلى 2-، 3 – دېكابىر كۈنلىرى ياۋروپا بىخەتەرلىك ۋە ھەمكارلىق تەشكىلاتىنىڭ 28 – نۆۋەتلىك مىنىستىرلار كېڭىشى يىغىنىغا ئىشتىراك قىلىدۇ. يىغىندا، ياۋروپا بىخەتەرلىك ۋە ھەمكارلىق تەشكىلاتىنىڭ كۈنتەرتىپىدىكى مەسىلىلىرى ۋە ياۋروپا بىخەتەرلىك ۋە ھەمكارلىق تەشكىلاتى جۇغراپىيەسى دۇچ كېلىۋاتقان يېڭى سىناقلار توغرىسىدا پىكىر ئالماشتۇرۇلىدۇ. ھۆرمەتلىك مىنىستىرىمىز يىغىن مۇناسىۋىتى بىلەن بەزى مەنسەپداشلىرى بىلەن ئايرىم ئۇچرىشىشلارنىمۇ ئۆتكۈزىدۇ» دېگەن ئىبارىلەرگە ئورۇن بېرىلدى.