erdoghan: ereb birleshme xelipiliki bizge 10 milyard dollarliq meblegh sélish pilani sundi

jumhur reis erdoghan türkmenistan ziyaritidin qaytiwétip, ayropilanda küntertipki mesililer toghrisida muhim sözlerni qildi.

1740288
erdoghan: ereb birleshme xelipiliki bizge 10 milyard dollarliq meblegh sélish pilani sundi

türkiye awazi radiyosi xewiri: jumhur reis rejep tayyip erdoghan, ereb birleshme xelipilikining türkiyege 10 milyard dollarliq meblegh sélish pilani sunghanliqini tilgha élip: «buni emeliyleshtürüsh arqiliq bashqiche bir kelgüsi berpa qilimiz. yaxshi tereqqiyatlar bolidu» dédi.

jumhur reis erdoghan türkmenistan ziyaritidin qaytiwétip, ayropilanda küntertipki mesililer toghrisida muhim sözlerni qildi.

u, yéqinqi yillarda köngüldikidek bolmighan türkiye- ereb birleshme xelipiliki munasiwitide yaxshi tereqqiyatlarning meydangha kéliwatqanliqini esketip, ereb birleshme xelipilikining türkiyege meblegh sélishqa teyyar ikenlikini éytti.

ereb birleshme xelipiliki text warisi shahzadisi sheyx muhemmed bin zayid ennehyanning 24- noyabirdiki türkiye ziyariti jeryanida tüzülgen kélishimlerning ikki dölet otturisidiki munasiwetning yéngi dewrge qedem qoyushida türtkilik rol oynighanliqini bildürgen erdoghan: «meyli ayrim, meyli heyetler ara uchrishishlirimiz bolsun, nahayiti yaxshi ötti we u yerde kélishimlerni imzaliduq. eger kéyinki basquchqa purset bolsa, 2- ayda qayturma ziyarette bolimen. méning ziyaritimdin burun tashqi ishlar ministirim we dölet bixeterlik teshkilati bashliqi ziyaret qilidu. teyyarliq xizmetliri ishlinidu. andin 2- ayda men — inshaallah — bir chong wekiller ömiki bilen bille barimen we bir qisim qedemlerni intayin küchlük shekilde tashlaymiz. ular 10 milyard dollarliq meblegh sélish pilanini otturigha qoydi. bu meblegh sélish pilanini emeliyleshtürüsh arqiliq biz bashqiche bir kelgüsi berpa qilimiz. bu jehette yaxshi tereqqiyatlar bolidu» dédi.

erdoghan israiliye we misirgha bash elchi teyinlesh mesilisi toghrisida toxtilip: « qararimizni chiqarghinimizda, elwette melum waqit ichide bash elchi teyinleydighan haletke ötimiz. bu döletlerning beziliride wekil turghuwatimiz. bash elchi yoq, emma wekiller bar. biz bu basquchlarni melum bir waqit jedwili ichide tedrijiy basimiz. ereb birleshme xelipiliki bilen arimizda qandaq qedemler tashlanghan bolsa, bashqilar bilenmu mushuninggha oxshash qedemlerni tashlaymiz» dégenlerni qeyt qildi.

ukraina bilen rusiye otturisidiki yirikchilik toghrisidimu toxtalghan erdoghan: «biz ukraina bilen rusiye otturisidiki jiddiylikke alaqidar meydanimiz éniq. biz bashta qirim türkliri bolup, bu rayonda tinchliqning hökümran bolushini xalaymiz. biz dost rusiye bilen, bolupmu (rusiye pirézidénti) wiladimir putin bilen bu xil mesililerni köp qétim muzakire qilduq we muzakire qilishni dawamlashturuwatimiz» dédi.



مۇناسىۋەتلىك خەۋەرلەر