sulayman soylu: 2023 – yilida türkiye dunyada sözi ötidighan bir döletke aylinidu

ichki ishlar ministiri sulayman soylu jumhuriyet qurulghanliqining 100 - yilliqi bolghan türkiyening 2023-yildiki nishanigha küchlük dölet bolush süpiti bilen choqum yétip baridighanliqini  éytti.

1740176
sulayman soylu: 2023 – yilida türkiye dunyada sözi ötidighan bir döletke aylinidu

türkiye awazi radiyosi xewiri: sulayman soylu bir xususiy téléwiziye qanilida kün tertipke alaqidar bayanat berdi.

térorluqqa qarshi küreshning muweppeqiyetlik dawam qiliwatqanliqini tekitligen sulayman soylu, dölet ichidiki térrorchilar sanining 170 ikenlikini eskertip, eger bu térrorchilar türkiye edliyesige teslim bolghan teqdirde, pütünley oxshimaydighan bir körünüshning bashlinidighanliqini éytti.

sulayman soylu türkiyening küchlük bir dölet bolush süpiti bilen 2023-yildiki nishanigha choqum yétidighanliqini tekitlep, «hörmetlik jumhur reisimiz (rejep tayyip erdoghan) büyük we küchlük türkiye layihesini tamamlap, türkiyening 2023 -, 2053 - we 2071-yilliq nishanlirigha teyyarliqi pütken bir dölet süpitide türk tarixigha yézilishini ishqa ashuridu. türkiye, türk dunyasining hörmetke sazawer bir döliti bolush süpiti bilen ottura sherq we balqan jughrapiyesiningmu nopuzluq we küchlük bir döliti bolush süpiti bilen dunyada sözi ötidighan bir döletke aylinidu. men buninggha ishinimen. buni millitimiz ishqa ashuridu» dédi.

suleyman soylu yene perzentlirining bölgünchi térorluq teshkilati p k k teripidin taghqa élip qéchilishigha qarshi naraziliqlirini bildürüp, oltürüélish namayishi qiliwatqan diyabakir anilirining  bir inqilabni ishqa ashuriwatqanliqini we dunyadiki barliq jahangirlargha sawaq bériwatqanliqini sözlirige ilawe qildi.



مۇناسىۋەتلىك خەۋەرلەر