чавушоғлу: асийа әң чоң истемал базири сүпитидә қәд көтүрүватиду

ташқи ишлар министири мәвлүт чавушоғлу асийаниң  пәқәт ишләпчиқириш мәркизи сүпитидила әмәс, йәнә әң чоң истемал базири сүпитидиму қәд көтүрүватқанлиқини ейтти.

1739561
чавушоғлу: асийа әң чоң истемал базири сүпитидә қәд көтүрүватиду

түркийә авази радийоси хәвири: министир чавушоғлу, түркмәнистанниң пайтәхти ашхабадта чақирилған ислам һәмкарлиқ тәшкилати дипломатийә министирлири йиғинида қилған сөзидә, йәршариви тәминләш зәнҗирлиридә тарихий өзгиришләрниң барлиққа келиватқанлиқини тәкитләп мундақ деди: «асийа  пәқәт ишләпчиқириш мәркизи сүпитидила әмәс, йәнә әң чоң истемал базири сүпитидиму қәд көтүрмәктә, бу әһвал һәммимиз үчүн муһим пурсәтләрни сунмақта, ислам һәмкарлиқ тәшкилати, асийа қитәси билән йавропа қитәси оттурисидики иқтисад - сода һәмкарлиқ көврүки сүпитидә һәрикәт қилиши керәк, шу вәҗидин,  қатнаш вә әшйа обороти каридорлириға әһмийәт бериши лазим, биз район содиси вә алақини йахшилийалиғандила ,  андин йәр шариви содидин техиму көп нәпкә еришәлишимиз мумкин.»

ашхабад  башлиқлар йиғининиң 28 – нойабир күни чақирилидиғанлиқини әскәрткән чавушоғлу, мундақ дәп көрсәтти: ««буниңдин 29 йил илгири 28 – нойабир күни 7 йеңи әзани күтүвалғанидуқ, бүгүнки күнгә кәлгәндә илгирикигә қариғанда техиму көп бир гәвдиләштуқ, биз қобул қилидиған һөҗҗәтләрниң бир гәвдилишишимизни күчәйтидиғанлиқиға ишинимән.»



مۇناسىۋەتلىك خەۋەرلەر