berdimuhemedow jumhur reis erdoghanni oghuzxan sariyida qarshi aldi
jumhur reis rejep tayyip erdoghan dölet ishliri ziyaritide boluwatqan türkmenistanda pirézidént gurbanguli berdimuhemedow teripidin resmiy murasim arqiliq qarshi élindi.
türkiye awazi radiyosi xewiri: türkmenistanning paytexti ashxabadtiki oghuzxan sariyida ötküzülgen qarshi élish murasimida, erdoghan bilen berdimuhemedow, heyetlirini bir - birige tonushturdi.
ikki rehber, murasimdin kéyin ayrim körüshti, andin uchrishishlar ishqa ashuruldi. erdoghan bilen berdimuhemedow, uchrishishlardin kéyin türlük kélishimlerni imzalash murasimigha qatnashti, arqdin qoshma axbarat élan qilish yighini ötküzdi.
jumhur reis erdoghan, bu yerde qilghan sözide, mundaq dédi: «ata yurtimiz türkmenistangha ziyaretke kelgenlikimiz üchün özümni intayin bextlikm hés qiliwatimen, bu munasiwet bilen türkmenistanning musteqilliqining 30 – yilliqini yene bir qétim tebrikleymen, qérindashliq munasiwetlirimiz dairiside türkmenistanni we türkmenistanning muweppeqiyetlik halda dawamlashturuwatqan musteqilliq salahiyitini qollashni izchil dawamlashturimiz. shuni alahide tekitlep ötimenki, biz bügün imzalighan kélishimler bilen birlikte, qérindash türkmenistan bilen bolghan munasiwetlirimizning asasini téximu mustehkemliduq, soda omumiy sommimizni 5 milyard dollargha yetküzüsh iradimiz qetiydur.»
jumhur reis erdoghan, türkmenistan ziyaritining 2 – küni iqtisadiy hemkarliq teshkilatining bashliqlar yighinigha ishtirak qilidu.
igilinishiche, türkiye qurghüchi eza dölet bolghan iqtisadiy hemkarliq teshkilatining bashliqlar yighinida, eza döletler otturisidiki iqtisadiy munasiwetler heqqide muzakiriler élip bérilidiken.