tunjelida «eren qish – 6» herbiy herikiti bashlandi
tunjeli wilayitide bölgünchi térrorluq teshkilati p k k gha qarshi «eren qish – 6» herbiy herikiti bashlandi.

türkiye awazi radiyosi xewiri: ichki ishlar ministirliqining bildürüshiche, bölgünchi térrorluq teshkilati p k k ni dölet küntertipidin chiqiriwétish we rayonda barliqi analiz qiliniwatqan térrorchilarni bir terep qilish meqsitide, tunjeli wilayitide «eren qish – 6» herbiy herikiti bashlanghan.
bayanatta tekitlinishiche, dölet miqyasida térrorizmni üzül - késil yoqitish nishan qilinghan «eren qish – 6» herbiy heriketliri, keng xelq ammisining qizghin qollishi astida keskin dawamlashmaqta iken.
ichki ishlar ministiri sulayman soylu, bu heqte élan qilghan bayanatida, mundaq dédi: «biz yashawatqan jaylarda xelqimizning xatirjem we bixeter turmush kechürüshige kapaletlik qilish üchün, kéche-kündüz küresh qiliwatqan, tagh – dawanlar we yéza - qishlaqlarda térrorchilarning izigha chüshüwatqan qimmetlik dölet xewpsizlik küchlirimiz we qoralliq saqchi qisimlirimiz, bügün etigen étibari bilen «eren qish – 6» herbiy herikitini bashlatti, 1060 xadim qatnashqan herbiy heriket, tunji wilayitidiki merjan taghliri rayonida dawamlashmaqta.»
yene bir tereptin, tunjeli waliy mehkimisining bildürüshiche, dölet xewpsizlik küchliri, «eren – 7 merjan munzur» herbiy herikiti dairiside, mazgirt we xozat nahiyesi yéza – qishlaqlirida térrorchilarni axturush - iz qoghlash jeryanida, térrorluq teshkilatliri teripidin ishlitilgen 7 panahlinish ornini éniqlap chiqqandin kéyin, yer bilen yeksan qiliwetken.
bu yerlerni axturush jeryanida nurghun qoral-yaragh, oq-dora, partilatquch we turmush buyumliri qolgha chüshürülgen.