америка түркийә қораллиқ қисимлириниң һәрбий заманивилаштуруш еһтийаҗини етирап қилди

америка дөләт мудапиә министирлиқи (бәшбурҗәклик бина) американиң түркийә қораллиқ қисимлириниң һәрбий заманивилаштуруш еһтийаҗини етирап қилғанлиқини елан қилди.

1735459
америка түркийә қораллиқ қисимлириниң һәрбий заманивилаштуруш еһтийаҗини етирап қилди

түркийә авази радийоси хәвири: америка дөләт мудапиә министирлиқи 16-нойабир бәшбурҗәклик бинада өткүзүлгән түркийә-америка дөләт мудапиә министирлиқлири йуқири дәриҗилик мудапиә гурупписи йиғиниға мунасивәтлик байанат елан қилди.

америка вәкилләр өмикигә рәһбәрлик қилған дөләт мудапиә министирлиқи мәслиһәтчиси лавра копер байанатида, түркийә қораллиқ қисимлириниң һәрбий заманивилаштуруш еһтийаҗини етирап қилғанлиқини билдүрүп, «һәйәтләр америка пирезиденти җо байдин билән түркийә җумһур рәиси рәҗәп таййип әрдоған, дөләт мудапиә министири ллойид остин вә дөләт мудапиә министири хулуси акар оттурисидики сөһбәтни асас қилидиған нурғун иқтидарлиқ вә районлуқ мәсилиләрни музакирә қилди» дегән сөзләрни ишләтти.

йиғин җәрйанида афғанистан, африқа, җәнубий кавказ, шәрқий ақ деңиз вә оттура шәрқтики террорлуқ вә бихәтәрлик мәсилилириниң музакирә қилинғанлиқи шундақла лавра коперниңму қара деңиздики һәмкарлиқни тәкитлигәнлики билдүрүлди.

байанатта, «икки тәрәп йәнә, өзара мудапиә һәмкарлиқи вә узун муддәтлик мудапиә мунасивитимизни илгири сүрүш нишанимизниму музакирә қилди. мәслиһәтчи купер американиң натоға қилидиған йардими даирисидә, түркийәниң заманивилаштуруш еһтийаҗини етирап қилидиғанлиқини қайта тәкитлиди» дейилди.

түркийә дөләт мудапиә министирлиқиниң йиғинға мунасивәтлик байанатида болса, «вәкилләр өмикиниң учришиши иҗабий вә йахши кәйпийатта өтти» дейилди.



مۇناسىۋەتلىك خەۋەرلەر