نىلۈفەر ئورال ب د ت خەلقئارا قانۇن كومىتېتىنىڭ ئەزالىقىغا قايتا سايلاندى

تۈركىيە ئاۋازى رادىيوسى خەۋىرى: خەلقئارا قانۇن كومىتېتىنىڭ 2023 – يىلدىن 2027 – يىلغىچە ۋەزىپە ئۆتەيدىغان ئەزالىرى، تۈنۈگۈن بىرلەشكەن دۆلەتلەر تەشكىلاتى ئومۇمىي كېڭىشىدا ئۆتكۈزۈلگەن سايلام ئارقىلىق بېكىتىلدى.

سايلامدا،  2017-يىلدىن بۇيان خەلقئارا قانۇن كومىتېتىنىڭ ئەزاسى سۈپىتىدە ۋەزەپە ئۆتەپ كېلىۋاتقان دوكتور  نىلۈفەر ئورال قايتا سايلاندى.

تۈركىيە تاشقى ئىشلار مىنىستىرلىقى تەرىپىدىن بۇ ھەقتە ئېلان قىلىنغان باياناتتا، مۇنداق دېيىلدى: «دوكتور  نىلۈفەر ئورال، خەلقئارا قانۇن ساھەسىدىكى مول بىلىمى ۋە تەجرىبىسى ئارقىلىق خەلقئارا قانۇن كومىتېتىنىڭ پائالىيەتلىرىگە داۋاملىق قىممەتلىك تۆھپىلەرنى قوشىدۇ، بۇ سايلامنىڭ نەتىجىسى، خەلقئارا تەشكىلاتلارنىڭ دۆلىتىمىزگە بولغان ئىشەنچىسىنىڭ نامايەندىسىدۇر.»