تۈركىيە ئەسكەرلىرىنىڭ ئەزەربەيجاندا ۋەزىپە ئۆتەش مۇددىتى ئۇزارتىلدى

تۈركىيە ئاۋازى رادىيوسى خەۋىرى: ئالدىنقى كۈنى جۇمھۇر رەئىس رەجەپ تاييىپ ئەردوغاننىڭ ئىمزاسى بىلەن تۈركىيە بۈيۈك مىللىي مەجلىسىگە ئەۋەتىلگەن ئىجازەتنامىدە، ئەزەربەيجان،  ئەرمېنىيە ۋە رۇسىيە تەرىپىدىن 2020 – يىلى 9 - نويابىر ئىمزالانغان «ئۈچ تەرەپ خىتابنامىسى»دىكى رايوننىڭ مۇقىملىقىنى قوغداشنى مەقسەت قىلغان پائالىيەتلەرنىڭ داۋام قىلىۋاتقانلىقى ئوتتۇرىغا قويۇلۇپ، خەلقئارا قانۇن ۋە قانۇنىي ئاساسقا ئىگە ئىگىلىك ھوقۇق ئاساسىدا ئۆزىنىڭ زېمىن پۈتۈنلۈكىنى ئۆز ئىچىگە ئالغان بارلىق ھوقۇقلىرىنى قوغدىيالىشى ئۈچۈن باشتىن تارتىپلا ئەزەربەيجاننى قوللاپ كەلگەن تۈركىيەنىڭ، رايوننىڭ تىنچلىقى ۋە مۇقىملىقىنى قوغداش ۋە كۈچەيتىش، ھەمدە بۇنى ئاسانلاشتۇرىدىغان شەكىلدە ئىقتىسادىي ئۇل ئەسلىھە بەرپا قىلىش ۋە گۈللەندۈرۈش يولىدا مۇھىم قەدەملەرنى تاشلىغانلىقى قەيت قىلىندى.