«parizh kélishimi» türkiyede yolgha qoyulushqa bashlidi

türkiye awazi radiyosi xewiri: «parizh kélishimi», yer shari témpératurisining örlishini mushu esirning axirlirigha barghanda 1.5 sélsiye giradustin éship ketmeslikini ishqa ashurushni nishan qilidu.

kélishimge asasen, parnik gazi qoyup bérilishini yer shari xaraktérlik sewiyede töwenlesh yüzlinishige qarap özgertish meqset qilinidu.

jumhur reis rejep tayyip erdoghan, séntebirde birleshken döletler teshkilati omumiy kéngishide, türkiyening «parizh kélishimi» ni qollaydighanliqini jakarlighanidi.

kéyinche, «parizh kélishimi» türkiye büyük millet mejlisi omumiy kéngishide awazgha qoyuldi we birdek awaz bilen maqullidi. shundaq qilip, türkiye, «parizh kélishimi» ni qollighan  192 – dölet boldi.

kélishim dairiside, türkiyening tunji qedem süpitide, bulghima qoyup bérishni azaytish nishanini öz ichige alghan milliy töhpe bayanatlirini yéngilap, birleshken döletler teshkilati katibat bashqarmisigha sunushi pilanlanmaqta.

andin,  jumhur reis rejep tayyip erdoghan jakarlighan, türkiyeni,  2053-yilgha barghanda, bulghima qoyup bérish nisbiti nöl bolghan,  karbon néytral döletke aylandurush nishanni toghruluq bir yol xeritisi sizip chiqilidu.

xelqara jemiyet, türkiyening «parizh kélishimi» ni maqullishini qollimaqta.

birleshken döletler teshkilati kilimat özgirishi ramka ehdinamisi ijraiye mudiri patrisiya éspinosa, «türkiye chong iqtisadiy gewde, shu wejidin, <parizh kélishimi> ge alaqidar barliq sahelerde, türkiyening kilimat özgirishige qarshi küreshke qoshqusi töhpisi nahayiti zor ehmiyetke ige» dégenidi.