türkiye afghanistanda meydangha kelgen térrorluq hujumini eyiblidi
türkiye afghanistanning paytexti kabuldiki bir doxturxanining derwazisi aldida yüz bérip nurghun ademning ölümini keltürüp chiqarghan bomba hujumlirini eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, kabuldiki sedar dawudxan herbiy doxturxanisining derwazisi aldida yüz bergen ikki bomba hujumi we arqidin yüz bergen toqunushta adem ölüsh ehwalining körülgenliki we nurghun ademning yarilanghanliqidin qayghurush ichide xewer tépilghanliqini bildürdi.
bayanatta: «bu insan qélipidin chiqqan térrorluq hujumini eyibleymiz, hayatidin ayrilghanlargha allahtin meghpiret tileymiz, ularning yéqin – yuruqliri bilen dost we qérindash afghanistan xelqidin hal soraymiz we yaridarlargha téz shipaliqlar tileymiz» dégen ibarilerge orun bérildi.
taliban emeldari éniq sanini tilgha almastin hujumlarda adem ölüsh ehwalining körülgenlikini, weqede kem dégende 20 ademning yarilghanliqini bildürüp, neq meydandiki ehwallarni körgüchilerning sözlirige qarighanda 10 din artuq ademning qaza qilghanliqini éytqanidi.
