qizghuch sériq renglik katégoriyediki térrorchi teslim boldi

türkiye awazi radiyosi xewiri: türkiye ichki ishlar ministirliqining bildürüshiche, ministirliqning hemkarliqi astida, qoralliq saqchi qisim bash qomandanliq ishtabi we jamaet xewpsizliki bash idarisi teripidin élip bériliwatqan qayil qilish paaliyetliri netijiside, bölgünchi térrorluq teshkilati p k k din qachqan bir térrorchi, bügün dölet xewpsizlik küchlirige teslim bolghan.

bayanatta tekitlinishiche, teslim bolghan bölgünchi térrorluq teshkilati p k k mensubi térrorchining, 2010 – yili térrorluq teshkilatining sépige qétilghanliqi, térrorluq heriketlirini élip bérish jinayiti bilen eyiblinip, «tutush buyruqi chiqirilghanlar tizimliki» diki qizghuch sériq renglik katégoriyedin orun alghanliqi we iraqta paaliyet élip barghanliqi éniqlap chiqilghan.

bayanatta, qayil qilish paaliyetliri netijiside, 2021 – yili dölet xewpsizlik küchlirige teslim bolghan bölgünchi térrorluq teshkilati p k k mensubi térrorchiliri sanining 167 ge yetkenliki tekitlengen.