fahrettin altun bash elchiler mesilisi üstide muhim söz qildi

jumhur reislik uchur – alaqe idarisi bashliqi fahhrettin altun bash elchiler mesilisi üstide toxtilip, «hökümitimiz zörür tépilghanda dölet igilik hoquqimizni qetiy muresse qilmaydighanliqini körsitip, bashqa qedemlerni tashlashtin chékinmeydu» dédi.

1725107
fahrettin altun bash elchiler mesilisi üstide muhim söz qildi

türkiye awazi radiyosi xewiri: jumhur reislik uchur – alaqe idarisi bashliqi fahrettin altun 10 döletning bash elchilirining soda sanaetchi osman kawalaning qoyup bérilishige dair bayanatliridin chékinip, wiyénna shertmanisining 41-maddisigha emel qilidighanliqlirini jakarlighanliqlirigha qarita öz qarashlirini hembehirlidi.

fahrettin altun twittér adrésida «erdoghangha rehmet» dégen xetküch bilen bayanat élan qilip: «jumhur reisimiz erdoghanning türkiyediki 10 elchixana teripidin élan qilinghan we qetiy qobul qilghili bolmaydighan bayanatqa qarshi körsetken rehberlikidin minnetdarmiz. jumhur reisimizning bu hörmetsizlerche élan qilinghan bayanatqa qayturghan inkasi, uning dölet igilik hoquqimizgha bolghan sadaqiti we sezgürlükining netijisi. türkiye ezeldin bashqa döletlerning ichki ishlirigha hörmet qilip keldi we xelqara qanun ölchemlirige asasen edliye ishlirigha arilashmidi. biz bashqa döletlerdin, bolupmu ittipaqdash döletler we ularning dölitimizdiki wekilliridinmu shundaq qilishini ümid qilimiz. tashqi ishlar ministirliqimiz bu chet el wekillirige kéreklik jawabini berdi, shundaqla ularning qobul qilghili bolmaydighan bu qilmishliri heqqide agahlandurdi. hökümitimiz zörür tépilghanda, dölet igilik hoquqimizni qetiy muresse qilmaydighanliqini körsitip, bashqa qedemlerni tashlashtin hergiz chékinmeydu» dédi.



مۇناسىۋەتلىك خەۋەرلەر