ақар нато мудапиә министирлири йиғинидин кейин байанат бәрди

түркийә җумһурийити дөләт мудапиә министири хулуси ақар америка қошма иштатлиридин F-16 уруш айропилани сетивелишқа мунасивәтлик техникилиқ хизмәтләрниң башланғанлиқини билдүрди.

1723838
ақар нато мудапиә министирлири йиғинидин кейин байанат бәрди

түркийә авази радийоси хәвири: түркийә җумһурийити дөләт мудапиә министири хулуси ақар америка қошма иштатлиридин F-16 уруш айропилани сетивелишқа мунасивәтлик техникилиқ хизмәтләрниң башланғанлиқини билдүрди.

министир ақар белгийәниң пайтәхти бирйусселда чақирилған шималий атлантик окйан әһди тәшкилати – нато дөләт мудапиә министирлири йиғинидин кейин түркийәниң натодики даимий вәкаләтханисида мухбирлар билән көрүшти.

америкадин F-16 типлиқ уруш айропилани сетивелишқа мунасивәтлик техникилиқ хизмәтләрниң башланғанлиқини тәкитлигән ақар: «бу җәрйанни давамлаштуруватимиз. түркийәниң, түркийә армийәсиниң күчийиши нато мудапиәсиниң күчийишини көрситиду» деди.

нато мәркизидә әнглийә, америка, гиретсийә, испанийә, полша, венгирийә, роминийә, италийә, силовенийә, латвийә вә булғарийә дөләт мудапиә министирлири билән қисқа муддәтлик учришишларни өткүзүп мудапиә вә бихәтәрлик мәсилилири бойичә пикир алмаштурғанлиқини билдүргән ақар: «бу учришишларни чөридигән һалда алдимиздики күнләрдә хизмитимизни давамлаштуримиз» деди.

ақар сүрийәниң идлиб районидики өзгиришләр һәққидә тохтилип: «бизниң мәвҗутлуқимиз муһим, бизниң у йәрдики мәвҗутлуқимиз һакимийәтниң қирғинчилиқиниң алдини алиду. буниң алдини елиш дегәнлик көчүш долқуни вә радикаллишишни тохтитиду» деди.

министир ақар, бөлгүнчи террорлуқ тәшкилати п к к / й п г ниң сүрийәниң шималида садир қиливатқан һуҗумлири тоғрисида тохтилип: «биз бу вәқәләрни наһайити йеқиндин көзитиватимиз. орни вә вақти кәлгәндә қилишқа тегишлик ишларни қилимиз» дегәнләрни қәйт қилди.

ақар, түркийәниң гиретсийә билән әгә деңизи, шәрқий ақдеңиз вә қибриста давамлишиватқан мәсилиләрни йахши қошнидарчилиқ рамкиси ичидә дийалог арқилиқ һәл қилишни қоллайдиғанлиқини қайта тәкитлиди.

буниңға алақидар учришишларниң давамлишиватқанлиқини, гиретсийә мудапиә министири николаос панагиотопулос биләнму нато мәркизидә көрүшкәнликини билдүргән ақар: «гиретсийә мудапиә министири билән иҗабий, бәрпачи учришиш өткүздуқ. бу учришишниң иҗабий нәтиҗилирини алдимиздики мәзгилләрдә көрүшни үмид қилимиз» деди.

гиретсийәниң йеқиндин буйан қораллиниш риқабитигә чүшкәнликигә ишарәт қилған ақар: «бу қәдәм <түркийәгә қарши әмәс> дейишиватиду. ундақта кимгә қарши?» дәп наразилиқ билдүрди.



مۇناسىۋەتلىك خەۋەرلەر