aqar bulghariye dölet mudapie ministiri bilen körüshti
dölet mudapie ministiri xulusi aqar bulghariye dölet mudapie ministiri géorgiy panayotow bilen körüshti.
rkiye awazi radiyosi xewiri: aqar, shimaliy atlantik ehdi teshkilati dölet mudapie ministirliri yighinigha qatnishish üchün yétip barghan nato qarargahidiki türlük uchrishishliri dairiside, bulghariye dölet mudapie ministiri géorgiy panayotow bilen körüshti.
uchrishishta, ikki terep munasiwetliri, rayonluq mudapie, bixeterlik mesililiri heqqide özara pikir almashturuldi, dawamliq uchur - alaqe qilish toghruluq birdeklik hasil qilindi.
aqar, buningdin burunmu nato qarargahida türlük uchrishishlarni élip barghan, aldi bilen, engliye dölet mudapie weziri bén wallés bilen körüshken, andin amérika qoshma ishtatliri dölet mudapie ministiri lloyid jemys astin bilen bir yerge jem bolghanidi.
uchrishishta, italiyening paytexti rimda 30 – 31 – öktebir künliri chaqirilidighan 20 – g guruhi bashliqlar yighini harpisida ijabiy küntertip shekillendürüsh üchün tégishlik tirishchanliqlarni körsitish toghruluq muzakire élip bérilghanidi.
kéyinche, girétsiye dölet mudapie ministiri nikolas panagiyotopulos bilen körüshken ministir aqar, türkiye - girétsiye otturisidiki ishenchni kücheytish tedbirliri dairiside paytext enqerede ötküzülüshi pilanliniwatqan 4 – qétimliq yighin üchün girétsiye heyitining kütülüwatqanliqini qeyt qilghanidi.
