фаһрәттин алтун түрк кеңиши медийа мунбиридә сөз қилди

түрк кеңишиниң «узунға созулған өтмүш, күчлүк кәлгүси» темилиқ ахбарат мунбири йиғини түркийә җумһурийити җумһур рәислик мәһкимиси учур – алақә ишлири идариси саһибханлиқида башланди.

1723683
фаһрәттин алтун түрк кеңиши медийа мунбиридә сөз қилди

түркийә авази радийоси хәвири: җумһур рәислик мәһкимиси учур – алақә ишлири идариси директори фаһрәттин алтун мунбәрниң ечилишидики сөзидә, түркийә җумһурийитиниң дөләт ичи - сиртида «һәқиқәт күриши» қиливатқанлиқини оттуриға қойуп: «биз йалғанға вә хата учурларни йейишқа қарши һәқиқәт тәрәптә турушни әхлақимизниң тәлипи вә шоари дәп қараймиз» деди.

бу хил әхлақий мәйданниң «һәқиқәттин һалқиған бир иш» дәп қариливатқан һазирқидәк чағда техиму муһим орунға өткәнликини тәкитлигән алтун , сөзини давамлаштуруп: «биз һәқиқәтни мәнисизләштүрүшкә, әһмийәтсизләштүрүшкә, җәмийәтләрни мәдәний, иқтисадий вә идийәви җәһәттин мустәмликә қилишқа уйғун һаләткә кәлтүрүшкә урунуватқан толуқ мәнидики йалған санаитигә дуч кәлмәктимиз. бу йалған санаити дунйаниң һәр қайси җайлирида  <йалған хәвәрләр> йаки <тоқулма мәзмун>лардин  пайдилинип җәмийәтләрни биз вә улардин ибарәт икки хил қутупқа айришқа, мәһкум қилишқа тиришмақта. очуқ қилип ейтқанда, биз йалғанчилиқ кәспигә, хата учурға қарши күрәшни дөләт бихәтәрликимизниң айрилмас бир қисми дәп қараймиз вә барлиқ қәдәмлирини мушу нуқтини чиқиш қилған һалда ташлимақтимиз.

йәнә бир тәрәптин, хата учурниң йалғуз иҗтимаий таратқудила әмәс, әнәниви таратқулардиму барлиқини көрүватимиз. уларниңму пат - патла җәмийәтниң рефликиссини синайдиған вә кашила линийәсини қозғитишни мәқсәт қилидиған нәшр буйумлирини елан қиливатиду. бу йәрдә мән бир қисим чәт әл дөләтлири мәбләғ салған органларни вә уларниң дөлитимиздики кеңәймилирини көздә тутуватимән. биз бу заманиви тройаларға қарши һошйарлиқни өстүрүп, уларниң зийанлиқ паалийәтлирини бирликтә тохтитишимиз керәк» дегәнләрни қәйт қилди.

у йәнә, «бүгүн түрк кеңиши болуш сүпитимиз билән бизниң вәзипимиз рәқәмлик фашизм, тор җаһангирлики вә йәршари йалғанчилиқ кәспигә қарши ортақ учур ишләпчиқириш вә тарқитиш йоллиримизни күчәйтиш болуши керәк. бу даиридә, рәһбәрлиримизниң түрк дунйасиниң кәлгүси үчүн қиливатқан параллел һалда учур – алақә саһәсидиму тоғра һәрикәт қилидиған иҗтимаий аң бәрпа қилишимиз лазим» деди.

бу арқа көрүнүштә, алтун түркийә таратқулириниң барлиқ күчлүк органлири вә тәшкилатлириниң, болупму түркийә радийо -телевизийә баш идариси — TRT вә анадолу агентлиқиниң өзара һәмкарлиқ орнитиш, тәҗрибә алмаштуруш вә ортақ түрләрни ишқа ашуруш ишикиниң очуқ икәнликини оттуриға қойған алтун: «учур – алақә идаримизниң байриқи астида паалийәт елип бериватқан биз — мән вә сәпдашлирим— пүтүн күчимиз билән җумһур рәисимиз рәҗәп таййип әрдоғанниң рәһбәрликидә бүйүк вә күчлүк түркийә ғайисини ишқа ашуруш, түрк дунйасиниң бирлики, иттипақлиқи вә байашатлиқини қолға кәлтүрүш үчүн, һечқандақ тәһдиткә писәнт қилмастин, һәрқандақ һәйвигә бойун әгмәстин.давамлиқ күрәш қилимиз» дегәнләрни тәкитлиди.

фаһрәттин алтун, түрк дунйасиниң йәр шари алақә саһәсидики иқтидари вә қабилийитини ашуруш вә учур булғинишиға қарши туруш үчүн һәр җәһәттин төһпә қошушқа тәййар икәнликлирини сөзлиригә илавә қилди.



مۇناسىۋەتلىك خەۋەرلەر