erdoghan küntertiptiki mesililer toghrisida muhim söz qildi
jumhur reis rejep tayyip erdoghan: «(amérika qoshma ishtatlirigha F-35 urush ayropilani sétiwélish üchün töligen) bir milyard 400 milyon dollirimizni bir amallarni qilip alimiz» dédi.
türkiye awazi radiyosi xewiri: jumhur reis erdoghan angola, togo we nigériyeni öz ichige alghan afriqa ziyaritidin qaytiwétip ayropilanda muxbirlar bilen söhbetleshti we ularning küntertip toghrisidiki soallirigha jawab berdi.
jumhur reis erdoghan F-35 tipliq ayropilanlar toghrisida toxtilip: «hazir töwen derijilik söhbetler dawamlishiwatidu. emma biz bir milyard 400 milyon dollirimizni bir amallarni qilip alimiz. (30-öktebirdin 31-öktebirgiche, italiyening paytexti) rimda ötküzülidighan 20 dölet guruhi bashliqlar yighini jeryanida (amérika pirézidénti jo) baydin bilen sözlishimiz. «néme qiliwatimiz, néme ishlar boluwatidu?» dep soraymiz. herqandaq ehwalda türkiyening hoquqining nabut qilinishigha qetiy yol qoymaymiz» dédi.
erdoghan bir muxbirning süriyede chégra halqip herbiy heriket élip bérilidighan yaki bérilmaydighanliqi toghrisidiki soaligha: «nöwette rayonning halqiliq sezgür nuqtiliridiki zerbe bérish heriketlirimiz téz sürette toxtawsiz dawam dawamlishiwatidu, bu jehette qetiy muresse qilinmaydu. süriyede bu jeryanni dawamlashturuwatimiz. (esed) hakimiyiti qandaq pozitsiye tutidu, bilmeymen, biraq biz bolupmu idlibta qélishiqa tégishlik ishlarni qilishni, barliq éghir tipliq qorallirimiz ishlitip inkas qayturushni dawamlashturuwatimiz. biz bu ishni bolushigha qoyup bermeymiz» dep jawab berdi.
gherbiy afriqa sayahiti dairiside 17 – öktebir bashlanghan dölet ishliri ziyaritini muweppeqiyetlik tamamlighanliqini tilgha alghan erdoghan, shundaq qilip, özlirining hazirghiche 30 oxshimighan afriqa dölitide 41 qétim ziyarette bolghanliqini éytti.
yalghuz bu kartinaning öziningla türkiyening afriqa chong quruqluqi bilen bolghan munasiwitini tereqqiy qildurush iradisining konkrét ipadisi ikenlikige isharet qilghan jumhur reis erdoghan, bu qétimqi ziyariti jeryanida angola, togo, burkina fasu, libériye we nigériye prézidéntliri bilen körüshüp, ikki tereplik munasiwet we rayon mesililiri toghrisida tepsiliy söhbet élip barghanliqlirini sözlirige ilawe qildi.
