әрдоған күнтәртиптики мәсилиләр тоғрисида муһим сөз қилди

җумһур рәис рәҗәп таййип әрдоған: «(америка қошма иштатлириға F-35 уруш айропилани сетивелиш үчүн төлигән) бир милйард 400 милйон доллиримизни бир амалларни қилип алимиз» деди.

1723116
әрдоған күнтәртиптики мәсилиләр тоғрисида муһим сөз қилди

түркийә авази радийоси хәвири: җумһур рәис әрдоған ангола, того вә нигерийәни өз ичигә алған африқа зийаритидин қайтиветип айропиланда мухбирлар билән сөһбәтләшти вә уларниң күнтәртип тоғрисидики соаллириға җаваб бәрди.

җумһур рәис әрдоған F-35 типлиқ айропиланлар тоғрисида тохтилип: «һазир төвән дәриҗилик сөһбәтләр давамлишиватиду. әмма биз бир милйард 400 милйон доллиримизни бир амалларни қилип алимиз. (30-өктәбирдин 31-өктәбиргичә, италийәниң пайтәхти) римда өткүзүлидиған 20 дөләт гуруһи башлиқлар йиғини җәрйанида (америка пирезиденти җо) байдин билән сөзлишимиз. «немә қиливатимиз, немә ишлар болуватиду?» дәп сораймиз. һәрқандақ әһвалда түркийәниң һоқуқиниң набут қилинишиға қәтий йол қоймаймиз» деди.

әрдоған бир мухбирниң сүрийәдә чегра һалқип һәрбий һәрикәт елип берилидиған йаки берилмайдиғанлиқи тоғрисидики соалиға: «нөвәттә районниң һалқилиқ сәзгүр нуқтилиридики зәрбә бериш һәрикәтлиримиз тез сүрәттә тохтавсиз давам давамлишиватиду, бу җәһәттә қәтий мурәссә қилинмайду. сүрийәдә бу җәрйанни давамлаштуруватимиз. (әсәд) һакимийити қандақ позитсийә тутиду, билмәймән, бирақ биз болупму идлибта қелишиқа тегишлик ишларни қилишни, барлиқ еғир типлиқ қораллиримиз ишлитип инкас қайтурушни давамлаштуруватимиз. биз бу ишни болушиға қойуп бәрмәймиз» дәп җаваб бәрди.

ғәрбий африқа сайаһити даирисидә 17 – өктәбир башланған дөләт ишлири зийаритини мувәппәқийәтлик тамамлиғанлиқини тилға алған әрдоған, шундақ қилип, өзлириниң һазирғичә 30 охшимиған африқа дөлитидә 41 қетим зийарәттә болғанлиқини ейтти.

йалғуз бу картинаниң өзиниңла түркийәниң африқа чоң қуруқлуқи билән болған мунасивитини тәрәққий қилдуруш ирадисиниң конкрет ипадиси икәнликигә ишарәт қилған җумһур рәис әрдоған, бу қетимқи зийарити җәрйанида ангола, того, буркина фасу, либерийә вә нигерийә президентлири билән көрүшүп, икки тәрәплик мунасивәт вә район мәсилилири тоғрисида тәпсилий сөһбәт елип барғанлиқлирини сөзлиригә илавә қилди.



مۇناسىۋەتلىك خەۋەرلەر