түркийә билән иран оттурисида бихәтәрлик саһәсидә һәмкарлиқ келишими имзаланди

ички ишлар министири сулайман сойлу иран билән терорлуққа қарши күрәш һәмкарлиқ келишими изалиди.

1722873
түркийә билән иран оттурисида бихәтәрлик саһәсидә һәмкарлиқ келишими имзаланди

түркийә авази радийоси хәвири: иранниң пайтәхти теһранда рәсмий зийарәттә болуватқан ички ишлар министири сулайман сойлу мәнсәпдиши әһмәд ваһиди билән өткүзгән айрим вә һәйәтләр ара учришиштин кейин, пикир бирлики келишими изаланди вә  бирләшмә ахбарат елан қилиш йиғини чақирилди.

сулайман сойлу: «биз п к к терорлуқ тәшкилати вә башқа барлиқ терорлуқ тәшкилатлириға қарши күрәштә ортақ ирадимизни намайан қилимақтимиз. нурғун хизмәт гуруппилиримиз бар, бу икки дөләтниң тәләплири вә динамиклирини оттуриға қойди. бүгүн йәнә бир қетим терорлуққа қарши күрәштики қәтий ирадимиз вә иттипақлиқимизни испатлидуқ» деди.

сулайман сойлу афғанистанда йүз бәргән йеқинқи вәқәләрдин кейин қанунсиз көчмәнликниң һәрикәтлинишигә  қарши йиллардин буйан ортақ давамлаштуриливатқан хизмәтләрни вә қанунсиз көчмәнликкә қарши күрәш мәсилисини йәнә бир қетим музакирә қилғанлиқини тилға елип, министирлиқлар оттурисидики һәмкарлиқни  охшимиған саһәләргичә кеңәйтидиған пикир бирлики келишими имзалиғанлиқини ейтти.

иран ташқи ишлар министири әһмәд ваһидиму түркийә билән иранниң мунасивитидә икки дөләт хәлқиниң мәнпәәтигә хизмәт қилидиған техиму чоңқур йеңи дәврниң башлинидиғанлиқини билдүрүп, «биз сүйқәстчиләрниң иран билән түркийә мунасивитигә мәсилә тепип беришигә йол қоймаймиз» деди.

имзаланған пикир бирлики келишими икки дөләтниң бихәтәрлик һәмкарлиқини ашуруш вә тәрәққий қилдурушни мәқсәт қилиду.

келишим болупму чегра районға мунасивәтлик һәр хил терорлуқ вә қанунсиз қилмишларниң алдини елиш һәмдә бу йөнилиштә елип берилған һәр хил қанун иҗра қилиш паалийәтлириниң өз-ара тәрәққий қилдүрулишини көздә тутулди.



مۇناسىۋەتلىك خەۋەرلەر