erdoghan: izilgüchiler namidin élip bériwatqan  küreshni yüksek sewiyege yetküzüsh iradimiz qetiy

jumhur reis rejep tayyip erdoghan barliq ézilgüchiler we ziyankeshlikke uchrighuchilar namidin élip bériwatqan küreshni yenimu yüksek sewiyege yetküzüsh iradilirining qetiylikini bildürdi.

1721855
erdoghan: izilgüchiler namidin élip bériwatqan  küreshni yüksek sewiyege yetküzüsh iradimiz qetiy

türkiye awazi radiyosi xewiri: jumhur reis erdoghan, «2021 – yilliq < TRT World > munbiri» yighinigha yollighan sinliq télégrammisida, insaniyetning yéqindin buyan iqtisadiy, ijtimaiy, siyasiy we insaniy tereplirini öz ichige alghan nahayiti keng dairilik saghlamliq krizisige qarshi küresh qiliwatqanliqini eskertish bilen bir waqitta, bu jeryanda otturigha chiqqan özgirishlerning, buningdin kéyin dunyada héchqandaq bir ishning ilgirikige oxshash bolmaydighanliqini ispatlap bergenlikini,  pütkül insaniyetning kélechikige tehdit séliwatqan bu krizis aldida, dunyaning tinchliqi we adalitige kapaletlik qilishqa mesul organlarning yene bir qétim sinaqtin ötelmigenlikini tekitlep mundaq dédi: «tereqqiy qilalmighan döletler we namrat jemiyetler öz teqdirige tashlap qoyuldi, sodida qoruqchiliq küchiyip, teminlesh zenjirliri buzuldi, iqtisadiy qiyinchiliqlar bilen birlikte, gherb döletliride öchmenlik jinayetliri qorqunchluq derijige bérip yetti, yawropaliq siyasiyonlar, jemiyetlerni xuddi rak hüjeyrisige oxshash qorshap turuwatqan islam düshmenlikige qarshi  küresh qilishning ornigha, buni suyiistémal qilish, uningdin paydilinish, uni siyasiy paydigha aylandurush we saylamlarda awazgha érishish yolini tallimaqta.»

dunyadiki mewjut tüzümning uzundin buyan adalet we muqimliq berpa qilalmighanliqini eskertken jumhur reis erdoghan, mundaq dep körsetti: «islam dunyasida söz heqqi bolmighan, afriqa, latin amérika we jenubiy asiyaning telepliri nezerge élinmaydighan, peqet küchni qolgha kirgüzüwalghan besh döletning menpeetila nezerge élinidighan bu tüzümning hazirqi qurulmisi boyiche dawamlishalishi esla mumkin emes, birleshken döletler teshkilati we bashqa xelqaraliq organlarning islahat éhtiyajigha emdi sel qarashqa bolmaydu.»

türkiye bolush süpiti bilen bu islahat  éhtiyajini köp yillardin buyan «dunya beshtinmu chong» teriqiside otturigha qoyup kéliwatqanliqlirini qeyt qilghan jumhur reis erdoghan, mundaq dédi: «barliq ézilgüchiler we ziyankeshlikke uchrighuchilar namidin élip bériwatqan küreshni yenimu yüksek sewiyege yetküzüsh iradimiz qetiydur.»

u yene, insanlarni merkez qilidighan, adalet we heqqaniyetni aldinqi pilangha qoyidighan, küchlükler heqqaniyetchi dep qarilidighan emes, heqqaniyetchiler küchlük bolghan yer shari tertipi qurulghangha qeder izchil küresh qilidighanliqlirinimu  sözlirige ilawe qildi.



مۇناسىۋەتلىك خەۋەرلەر