türkiye xelqaraliq tertiptiki qiyinchiliqlargha jawab tépish üchün qedem tashlidi

jumhur reislik uchur-alaqe idarisining bashliqi fahrettin altun dunyawi mesililerge hel qilish charisi tépish kéreklikini eskertip, türkiyening xelqaraliq tertiptiki qiyinchiliqlargha jawab tépish üchün qedem tashlighanliqini bildürdi.

1721958
türkiye xelqaraliq tertiptiki qiyinchiliqlargha jawab tépish üchün qedem tashlidi

türkiye awazi radiyosi xewiri: fahrettin altun <<küch we paradoks:21-esirde büyük istratégiyeni chüshinish>> témisi astida bashlanghan 5-qétimliq <<2021 t r t world munbiri>> gha widéo ewetti.

u wuxen wirusi (Kovid-19) kirizisining dunyagha soghuq urush axirlashqandin buyanqi eng nachar waqitta tesir körsetkenlikini bildürüp, 2020-yilida dunyaning oxshimighan jaylirida nurghun xelqaraliq toqunushlargha chare tépilmighanliqini qeyt qildi.

u mezkur musapining döletlerning uzun muddetlik istratégiyelerni tüzüshini we diqqitini  dunyawi tehditlerge qarshi küreshke merkezleshtürüshni qiyinlashturghanliqini eskertti.

u xelqaraliq teshkilatlarning insaniy balayi-apetlerdin kilimat özgirishigiche bolghan dunyawi mesililerni téximu ünümlük halda muhakime qilish üchün téz sürette islahat qilishqa éhtiyajliq ikenlikini tekitlidi.

türkiyening xelqaraliq sistémidiki qiyinchiliqlarni közitip kéliwatqanliqini we bulargha jawab tépish üchün qedem tashlighanliqini bildürüp, mundaq dédi:

<<jumhur reis rejep tayyip erdoghanning rehberlikide, tashqi siyaset istratégiyemizni peqet muhim xewpsizlik qayghulirimizghila emes, belki rayonluq we xelqaraliq mesililerge hel qilish charisi tapidighan shekilde islah qilduq. yéqin etrapimizdiki toqunushlarni hel qilishni, tashqi siyasitimizde aldin ehmiyet bérilidighan mesililer qataridin qilduq. türkiye tashqi siyasitining tüzgüchiliri süriye, liwiye we iraqtiki toqunushlarni hel qilish üchün oxshimighan paaliyetlerni qildi. buningdin bashqa, aqdéngiz we ezerbeyjan-erméniye ixtilapini öz ichige alghan halda barliq kirizis saheliride munasiwetlik tereplerni diyalog we ijabiy diplomatiyege ishtirak qilishqa dewet qilduq. hörmetlik jumhur reisimiz her qaysi döletlerge bu sahelerdiki ixtilaplarni muzakire qilish we hel qilish üchün xelqaraliq konféranslar ötküzüshni chaqiriq qildi>> dédi.

u kirizis waqitlirida derijidin tashqiri küchlerning bashlamchiliq roli oynashni saqlap olturushning ornigha, nishangha yétish üchün bashqa xelqaraliq küchlerni birleshtürüsh kéreklikini tekitlep, t r t world munbiridiki nutuq we munazirelerningmu, bu nishanlargha yétishke yardem qilishini ümid qilidighanliqini bildürdi.  



مۇناسىۋەتلىك خەۋەرلەر