mustafa shentop mewlut qandilini tebriklidi

türkiye awazi radiyosi xewiri: mustapa shentop diniy ishlar idarisi teripidin teyyarlanghan we bu yil bash témisi «peyghembirimiz we wapadar jemiyet» dep békitilgen «mewludi nebi heptiliki» paaliyitining istanbul büyük chamlicha jamesidiki échilish programmisida qilghan sözide, yekshenbini düshenbege baghlaydighan kéchide, yeni rébiulewwel éyining 12-küni kechte, peyghember eleyhissalam tughulghanliqining 1450 - yilliqi bolidighanliqini eskertip, islam dunyasining mewlut qandilini tebriklidi.
mustapa shentop mewlut qandilining dölet, millet we ümmiti muhemmed üchün xeyirlik bolushini, meniwi oyghinish we qaytidin tirilishning derwazisini échishini tilidi.
mustapa shentop esirlerdin buyan tinchliq we bext-saadet makanigha aylanghan islam jughrapiyeside, bügünki künde yétim-yésirlar we ayallarning qelbining ot apiti makanigha aylanghanliqini tekitlep: «islam döletliride béqiliwatqan xelqaraliq térrorluq teshkilatliri ezaliri jamede namaz oquwatqan möminlerni, bazarda soda- sétiq qiliwatqan bigunah kishilerni wijdansizlarche öltürmekte. biz ümid nuri izdewatqan, zulumlarning axirlishishini kütüwatqan shundaqla tinchliq we xatirjemlikni séghiniwatqan bu künlerde, bizge chare bolidighan nijatliq yoli aldimizda turuptu. bu yol allahning kitabi qurani kerim we uning alemlerge rehmet qilip yollighan peyembirining rehberlikidur» dédi.