süriyening shimalida nurghun térrorchi bir terep qilindi
yéqinqi 15 kün ichide élip bérilghan herbiy heriketler dawamida süriyening shimalidiki firat qalqini rayonida 13, tinchliq buliqi rayonida 3 bolup, bölgünchi térrorluq teshkilati p k k/y p g mensubi 16 térrorchi bir terep qilindi.
türkiye awazi radiyosi xewiri: türkiye dölet mudapie ministirliqi teripidin bu heqte élan qilinghan bayanatta, mundaq déyildi: «térrorizmning menbesini üzül - késil yoqitishni qetiy irade bilen dawamlashturuwatqan qehriman türkiye armiyesi, yéqinqi 15 kün ichide élip barghan herbiy heriketler dawamida, süriyening shimalidiki firat qalqini rayonida 13, tinchliq buliqi rayonida 3 bolup, bölgünchi térrorluq teshkilati p k k/y p g mensubi 16 térrorchini bir terep qildi.
türkiye armiyesi, süriyening shimalidiki térrorizm menbelirini üzül - késil yoqitish üchün, 2016 – yili 24 – awghusttin 2017 – yili 29 – martqiche firat qalqini herbiy herikitini, 219 – yili 9 – öktebirdin 2019 – yili 25 – noyabirghiche <tinchliq buliqi> herbiy herikitini élip barghan, herbiy heriketler netijiside, rayon térrorchi unsurlardin tazilghanidi.
