җумһур рәис әрдоған үч африқа дөлитидә зийарәттә болиду

җумһур рәис рәҗәп таййип әрдоғанниң ангола, нигерийә вә тогони өз ичигә алған төт күнлүк африқа зийарити 17 – өктәбир йәкшәнбә күни башлиниду.

1719113
җумһур рәис әрдоған үч африқа дөлитидә зийарәттә болиду

түркийә авази радийоси хәвири: җумһур рәис әрдоған анголадики зийарити җәрйанида пирезидент лоренчо билән көрүшүп, пайтәхт әнқәрәдә имзаланған келишимләрниң роһиға асасән ташланған конкрет қәдәмләр тоғрисида сөзлишиду, һәмдә икки дөләт сода – санаәтчилириниң иқтисад мунбири йиғиниға иштирак қилиду.

арқидин ахирқи қетим 2016 – йили барған нигерийәгә берип, мәнсәпдиши муһәммәд бухари билән көрүшиду вә түркийә – нигерийә сода мунибири йиғиниға қатнишиду.

икки дөләт мунасивәтлири вә районға алақидар мәсилиләр муһакимә қилинидиған учришишлар җәрйанида, икки дөләт оттурисидики һәқиқий йошурун күчләрдин пайдилинишниң бәзи қәдәмлири ташлиниду. буниңдин башқа фәтһуллаһчи террорлуқ тәшкилатиға қарши күрәш мәсилиси тоғрисидиму пикир алмаштурулиду.

җумһур рәис әрдоғанниң африқа зийаритиниң  ахирқи бекити того болиду؛ түркийә – того мунасивәтлирини гүлләндүрүш йоллири музакирә қилинидиған зийарәт арқилиқ икки тәрәп сода мунасивитиниң күчәйтилиши көзләнмәктә.



مۇناسىۋەتلىك خەۋەرلەر