chawushoghlu süriyediki hujumlarda amérika bilen rusiyeningmu jawabkarliqi barliqini otturigha qoydi

dölitimiz (türkiye jumhuriyiti) tashqi ishlar ministiri mewlüt chawushoghlu, süriyediki térrorchilarni tazilash üchün qilishqa tégishlik ishning her qandiqining qilinidighanliqini éytti.

1719024
chawushoghlu süriyediki hujumlarda amérika bilen rusiyeningmu jawabkarliqi barliqini otturigha qoydi

türkiye awazi radiyosi xewiri: ministir mewlüt chawushoghlu paytext enqerede nikaragua tashqi ishlar ministiri dénis monkada kolindrés bilen körüshkendin kéyin ötküzülgen birleshme muxbirlarni kütüwélish yighinida, y p g / p k k térrorluq teshkilatining süriyediki hujumliri toghrisida toxtaldi.

yéqindin buyan bu xildiki hujumlarning körülüshke bashlighanliqini؛ eng yéngi hujumlarda rusiye we amérika qoshma shtatliriningmu jawabkarliqining barliqini tekitligen chawushoghlu: «her ikki dölet bu térrorchilarni kem dégende 30 kilomitir jenubqa chiqiriwétidighan bolghanidi. rusiye tel rifat bilen munbichni tazilaytti. bu wediler emelge ashurulmidi» dédi.

chawushoghlu rusiye we amérikaning sözige emel qilmighanliqini eskertip: «ular <hujumlarni eyibleymiz> déyishiwatidu, emma kim bu qorallarni bériwatidu, sen bériwatisen, andin resmiyet üchün eyiblep bayanat élan qilisen. bu térrorchilar bu yerde bolghinigha qarighanda, bizning qilishqa tigishlik ishimiz öz kindik béghimizni özimizning késishidur. ularni tazilash üchün qilishqa tégishlik ishlarning herqandiqini qilimiz» dégenlerni qeyt qildi.

bölgünchi térrorluq teshkilati ezalirining hepte axirida süriyening mera bazirida élip barghan peskeshlerche térrorluq hujumida ikki saqchi shéhit bolghanidi. jumhur reis rejep tayyip erdoghanmu aldinqi küni bayanat élan qilip, mezkur rayonda herbiy heriket élip bérilidighanliqining signalini bergenidi.


خەتكۈچ: #uyghurche , #hujum , #süriye , #türkiye

مۇناسىۋەتلىك خەۋەرلەر