«келәр йили миллий електирик паравуз ишләпчиқиришни башлаймиз»

җумһур рәис рәҗәп таййип әрдоған келәр йили миллий електирик паравуз ишләпчиқиришни башлайдиғанлиқлирини билдүрди.

1716878
«келәр йили миллий електирик паравуз ишләпчиқиришни башлаймиз»

түркийә авази радийоси хәвири: җумһур рәис әрдоған, истанбул  ататүрк айродурумида чақирилған «12 – нөвәтлик 12-қатнаш вә алақә кеңиши» йиғинида  қилған сөзидә, түркийә болуш сүпити билән,  йеқинқи 19 йилда қатнаш вә хәвәрлишиш саһәсигә 1 тирилйон лира мәбләғ салғанлиқлирини, төмүр йоли селинмилириғиму әһмийәт берип келиватқанлиқлирини тәкитләп мундақ деди: «12 миң 803 километирлиқ төмүр йол линийәсини баштин - ахир толуқ йеңилидуқ, мәвҗут линийәләрдики сигнал бериш хизмитидә көрүнәрлик мувәппәқийәтләрни қолға кәлтүрдуқ, мәмликитимиздә тунҗи қетим йуқири сүрәтлик пойиз линийәсини ишқа кириштүрдуқ, узунлуқи 3500 километир келидиған йеңи төмүр йол линийәмизниң қурулуши давамлашмақта. буниңдин башқа йәнә, келәр йили миллий електирик паравуз ишләпчиқиришни башлаймиз, метро, пойиз вә трамвайларниму өзимиз ишләпчиқаралайдиған сәвийигә йетиватимиз.»

дөләт миқйасидики айродурумларниң санини 26 дин 56 гә йәткүзгәнликлирини  әскәрткән җумһур рәис әрдоған, мундақ дәп көрсәтти: «уда 3 йилдин буйан мулазимәт қиливатқан истанбул айродурумимиз, дунйадики әң мунәввәр айродурумлар арисида иккинчи, йавропадики әң ават айродурумлар тизимликидә биринчи орунда туриду.»

дөләтниң ташқи содисидики деңиз тиранспортиниң үлүшини 4 һәссә ашурғанлиқлирини қәйт қилған җумһур рәис әрдоған, дөләт болуш сүпити билән, кемисазлиқ санаити, сәйлә кемиси йасаш вә хәвәрлишиш саһәсигә мәбләғ селишта наһайити зор илгириләшләрни һасил қилғанлиқлирини тәкитләп мундақ деди: «интернет саһәсидә һәр саһә органлиримиз вә хәлқимизгә мулазимәт өлчимини йуқири сәвийәгә йәткүзүватимиз, 5G ни өз ичигә алған келәчәкниң технологийәлиридә миллийлик вә йәрликлик нисбитини ашурушқа тиришиватимиз, вақиттин йеқилғуға қәдәр һәммә җәһәттин бизни үстүнлүккә игә қилидиған теҗәшлик әқлий иқтидарлиқ қатнаш системисини йолға қойуш ирадимиз қәтийдур.»



مۇناسىۋەتلىك خەۋەرلەر