aqar: shéhitning qéni yerde qalmidi
süriyening firat qalqini herbiy herikiti rayonida shéhit qilinghan türk eskirining qénining yerde qalmighanliqi bildürüldi.
türkiye awazi radiyosi xewiri: süriyening firat qalqini herbiy herikiti rayonida shéhit qilinghan türk eskirining qénining yerde qalmighanliqi, deslepki tekshürüshlerge asaslanghanda hujumni sadir qilghan besh térrorchining bir terep qilinghanliqi uqturuldi.
türkiye jumhuriyiti dölet mudapie ministiri xulusi aqar dölet mudapie uniwérsitéti déngiz armiyesi mektipining 2021 – 2022 – yilliq oqu – oqutush murasimida söz qilip, térrorchilarning firat qalqini herbiy herikiti rayonidiki hujumida shéhit bolghan eskerni öz ichige alghan barliq shéhitlerge rehmet tilidi we «shéhitlirimizning qanlirini yerde qoymiduq, qoymaymiz. deslepki tekshürüshlerge asaslanghanda, hujumni sadir qilghan besh térrorchi qoralliri bilen birlikte ölük halda qolgha chüshürüldi. zerbe bérish heriketlirimiz dawam qilmaqta. aldimizdiki saetlerde bu sanni köpiyidu, dep qarawatimiz» dégenlerni qeyt qildi.
ministir aqar 40 yildin buyan türkiyening béshigha bala bolup kéliwatqan térrorchilarni yoqitish iradilirining qetiy ikenlikini eskertip: «bu peqet bizningla emes, oxshashla qoshnilirimiz üchünmu zor utuq bolidu. 2015 – yili 24 – iyul térrorizmgha qarshi küresh saheside bashlanghan yéngi musape ichide hazirghiche 18582 térrorchi bir terep qilindi. 2021 – yili 1 - yanwardin buyan 2136 térrorchi bir terep qilindi» dédi.
