чавушоғлу: татар хәлқи түркийә билән полша оттурисидики муһим достлуқ көврүки

түркийә авази радийоси хәвири: мәвлут чавушоғлу пайтәхт варшавадики учришишлири даирисидә, татар хәлқигә вәкиллик қилидиған полша мусулманлириниң диний идариси башлиқи томасз мискивич вә мудирийәт әзалири билән көрүшти.

мәвлут чавушоғлу полша-түрк сода санаәтчиләр җәмийити, түркийә мәдәнийәт вә иттипақлиқ җәмийити әзалири вә пәхрий консулослири биләнму учришиш өткүзгән йиғинда, «чәтәлдики пуқралиримизни вә сода санаәтчилиримизни һәр даим қоллап - қуввәтләймиз, уларниң мувәппәқийәтлиридин пәхирлинимиз» деди.

мәвлут чавушоғлу полша билән болған мунасивәтләрниң һәр саһәдә тәрәққий қиливатқанлиқини сөзлиригә илавә қилди.