erdoghan: amérika sétip bergen bolsa, rusiyedin almighan bolattuq

jumhur reis rejep tayyip erdoghan türkiyening rusiyedin S-400 hawa mudapie sistémisi sétiwélishining shimaliy atlantik ehdi teshkilati — natogha ziyan salidighanliqi toghrisidiki tenqidni ret qildi.

1712521
erdoghan: amérika sétip bergen bolsa, rusiyedin almighan bolattuq

türkiye awazi radiyosi xewiri: jumhur reis rejep tayyip erdoghan türkiyening rusiyedin S-400 hawa mudapie sistémisi sétiwélishining shimaliy atlantik ehdi teshkilati — natogha ziyan salidighanliqi toghrisidiki tenqidni ret qilip: «eger amérikaliqlar wetenperwer namliq bashqurulidighan bomba mudapie sistémisini türkiyege sétip bergen bolsa, biz S-400 ni sétiwalmighan bolattuq» dédi.

amérikaning «nyu-york waqti» géziti, 76 – nöwetlik b d t omumiy kéngishi yighinliri jeryanida  jumhur reis erdoghan bilen ötküzgen söhbitining S-400  gha alaqidar bölümini élan qildi.

erdoghanning tünügün rusiye pirézidénti wiladimir putin bilen ötküzgen ikki tereplik uchrishishigha munasiwetlik xewerge qisturma qilip élan qilinghan mezkur bölümde, erdoghanning rusiyening ilghar mudapie sistémisini sétiwélish arqiliq gherbning asasliq herbiy ittipaqi bolghan natogha buzghunchiliq qiliwatqanliqi toghrisidiki tenqidni ret qilghanliqi otturigha qoyuldi.

xewerde, jumhur reis erdoghanning «nyu – york» gézitige bergen bayanatida, hem nato bash katipi yéns stolténbérg hemde amérikaning sabiq pirézidénti donald trampning türkiyening qoral bilen teminligüchilirini tallash hoquqi barliqini tekitligenlikini xatirilitip: «biz öz qorallirimizni sétiwalimiz» dégenlikige isharet qilindi.

erdoghan yene: «eger amérikaliqlar wetenperwer namliq bashqurulidighan bomba mudapie sistémisini türkiyege sétip bergen bolsa, biz S-400 ni sétiwalmighan bolattuq» dédi.

türkiyening S-400 lerni sétiwélishining amérika bilen sürkilishke erziydighan yaki erzimeydighanliqi toghrisidiki soalgha: «méningche erziydu, biz mudapiemizni xalighanche kücheytimiz» dep jawab berdi.

jumhur reis erdoghan türkiye-amérika munasiwitining yenila muhimliqini saqlap kéliwatqanliqini tilgha élip: «türkiyening amérika bilen uzungha sozulghan munasiwiti bar, buning qoghdilishi we kücheytilishi kérek» dégenlerni qeyt qildi.


خەتكۈچ: #uyghurche , #S-400 , #amérika , #türkiye

مۇناسىۋەتلىك خەۋەرلەر