eziz sanjar «bilim we türk dunyasining milliy oyghinishi» témisida léksiye sözlidi
türk tilida sözlishidighan döletler hemkarliq kéngishi (türk kéngishi)ge eza döletlerning tashqi ishlar ministirliri komitéti yighini istanbulda chaqirildi.
türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, türkiyening afghanistan mesiliside özbéksitan bilen heriket qilidighanliqini bildürdi.
ministir mewlüt chawushoghlu tiwittérdiki adrésida bayanat élan qilip, özbéksitan tashqi ishlar ministiri abduleziz kamilowni türk tilida sözlishidighan döletler hemkarliq kéngishi (türk kéngishi)gha eza döletlerning tashqi ishlar ministirliri komitétining jiddiy yighinigha ishtirak qilish üchün kelgen istanbulda kütüwalghanliqini uqturdi.
türkiyening afghanistan mesiliside özbéksitan bilen birlikte heriket qilidighanliqini otturigha qoyghan chawushoghlu, ikki döletning otturisida tüzgen alahide soda kélishimining rohigha asasen soda hejimini ashuridighanliqini we bir – birlirining waksina guwahnamisini étirap qilidighanliqini qeyt qildi.
u yene, nobél mukapati sahibi türk tetqiqatchi eziz sanjarning türk kéngishi tashqi ishlar ministirliri yighinining kechlik ziyapitige sherep méhmini süpitide ishtirak qilghanliqini bildürdi.
chawushoghlu uchurida, «türk kéngishi tashqi ishlar ministirliri yighinimizning kechlik ziyapet sherep méhmini, eng chong arzusi türk dunyasi ittipaqini körüsh bolghan nobél mukapati sahibi ilim erbabimiz eziz sanjar idi. eziz sanjarning <bilim we türk dunyasining milliy oyghinishi> témiliq léksiyeni qiziqish ichide angliduq» dégenlerni qeyt qildi.
