әзиз санҗар «билим вә түрк дунйасиниң миллий ойғиниши» темисида лексийә сөзлиди

түрк тилида сөзлишидиған дөләтләр һәмкарлиқ кеңиши (түрк кеңиши)гә әза дөләтләрниң ташқи ишлар министирлири комитети йиғини истанбулда чақирилди.

1710898
әзиз санҗар «билим вә түрк дунйасиниң миллий ойғиниши» темисида лексийә сөзлиди

түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу, түркийәниң афғанистан мәсилисидә өзбекситан билән һәрикәт қилидиғанлиқини билдүрди.

министир мәвлүт чавушоғлу тивиттердики адресида байанат елан қилип, өзбекситан ташқи ишлар министири абдуләзиз камиловни түрк тилида сөзлишидиған дөләтләр һәмкарлиқ кеңиши (түрк кеңиши)ға әза дөләтләрниң ташқи ишлар министирлири комитетиниң җиддий йиғиниға иштирак қилиш үчүн кәлгән истанбулда күтүвалғанлиқини уқтурди.

түркийәниң афғанистан мәсилисидә өзбекситан билән бирликтә һәрикәт қилидиғанлиқини оттуриға қойған чавушоғлу, икки дөләтниң оттурисида түзгән алаһидә сода келишиминиң роһиға асасән сода һәҗимини ашуридиғанлиқини вә бир – бирлириниң ваксина гуваһнамисини етирап қилидиғанлиқини қәйт қилди.

у йәнә, нобел мукапати саһиби түрк тәтқиқатчи әзиз санҗарниң түрк кеңиши ташқи ишлар министирлири йиғининиң кәчлик зийапитигә шәрәп меһмини сүпитидә иштирак қилғанлиқини билдүрди.

чавушоғлу учурида, «түрк кеңиши ташқи ишлар министирлири йиғинимизниң кәчлик зийапәт шәрәп меһмини, әң чоң арзуси түрк дунйаси иттипақини көрүш болған нобел мукапати саһиби илим әрбабимиз әзиз санҗар иди. әзиз санҗарниң <билим вә түрк дунйасиниң миллий ойғиниши> темилиқ лексийәни қизиқиш ичидә аңлидуқ» дегәнләрни қәйт қилди.



مۇناسىۋەتلىك خەۋەرلەر