beshinchi nöwetlik «t r t dunya munbiri» tor muhitida chaqirilidu

türkiye awazi radiyosi xewiri: türkiye radiyo – téléwiziye idarisi — t r t bayanat élan qilip, dunyaning aldinqi qatardiki saqliniwatqan mesililirige chare izdesh meqsitide 2017 – yilidin buyan her yili échiliwatqan t r t dunya munbirining bu yilmu dunyaning her qaysi jayliridiki tetqiqatchilar, ijtimaiy küchler bashqurushidiki organlar, mutepekkurlar, siyasetchiler, mutexessiler we médiya mensuplirini özara uchrashturidighanliqini uqturdi.

öz kespide dunyawi shöhretke ige ilim erbabliri, 16 bölümdin terkib tapidighan yighin jeryanida, dunyaning yéqinqi yillarda bash kötürgen siyasiy we ijtimaiy mesililiri üstide bes – munazire élip baridu.

yighinda yene, dunyawi insaniy kirizislar, xelqara xewpsizlik siyasetliri, köchüshning chek – chégraliri we yershariwi adalet qatarliq pütkül insaniyet bilen yéqindin alaqisi bolghan témilarmu muhakime qilinidu.

bu jeryanda talibanning afghanistanni qolgha kirgüzüshidin kéyin t r t dunya munbirige «talibanning qaytip kélishi: sadir qilinghan xataliqlar we élinidighan sawaqlar» namliq bir bölümlük bir téma ilawe qilindi؛ bu bölümde afghanistanning nöwettiki weziyiti etrapliq shekilde otturigha qoyulidu.

5 – nöwetlik t r t dunya munbirige  https://www.trtworldforum.com/trt-world-forum-2021/ adrési arqiliq tizimlatqili bolidu.