erdoghan: türkiye énérgiye saheside nahayiti zor muweppeqiyetlerni qolgha keltürdi

jumhur reis rejep tayyip erdoghan türkiyening sijil énérgiye we énérgiye ünümi jehette nahayiti zor muweppeqiyetlerni qolgha keltürgenlikini éytti.

1710363
erdoghan: türkiye énérgiye saheside nahayiti zor muweppeqiyetlerni qolgha keltürdi

türkiye awazi radiyosi xewiri: jumhur reis erdoghan, «birleshken döletler teshkilati aliy derijilik rehberler énérgiye diyalogi yighini» gha yollighan sinliq télégrammisida, yer sharining issip kétishi we  kilimat özgirishining insaniyet tarixidiki eng muhim xirislarning biri ikenlikini, dunyaning eng yiraqtiki bulung-puchqaqliriningmu, kilimat kirizisi keltürüp chiqarghan tebiiy apetler, saghlamliq mesililiri, iqtisadiy we ammiwi xirislargha duch kéliwatqanliqini, yer shari xaraktérlik hemkarliq asasida heriket qilghandila andin bu xirislarni bir terep qilghili bolidighanliqini tekitlep mundaq dédi: «buning üchünmu arqigha chékinmeslikimiz, mesuliyetni adalet asasida öz üstimizge élishqa kapaletlik qilishimizgha toghra kélidu, bu nuqtida, eng zor töhpini énérgiye sahesining qoshidighanliqi hemmige ayan, bu yerdiki formulamu nahayiti éniqtur؛ eneniwi énérgiye bayliqini ishlitishni azaytish kérek, sijil hem pakiz énérgiye bayliqi sahelirini kéngeytip, énérgiye ünümini ashurush lazim.»

türkiyening sijil énérgiye we we énérgiye ünümi jehette nahayiti zor muweppeqiyetlerni qolgha keltürgenlikini eskertken jumhur reis erdoghan, mundaq dep körsetti: «sijil énérgiye menbeliri  jehette yawropa boyiche, 5 -, dunya boyiche 12 orunda turimiz,  éléktr énérgiyeside igiligen nisbitimiz% 53 ni teshkil qilidu»

u yene, türkiyening, xelqara jemiyetning mesuliyetchan ezasi bolush süpiti bilen, kilimat krizisige qarshi küresh we pakiz énérgiye hasil qilishqa kapaletlik qilishta zimmisige yüklengen mesuliyitini ada qilishni dawamlashturidighanliqinimu sözlirige ilawe qildi.



مۇناسىۋەتلىك خەۋەرلەر