әрдоған: түркийә енергийә саһәсидә наһайити зор мувәппәқийәтләрни қолға кәлтүрди

җумһур рәис рәҗәп таййип әрдоған түркийәниң сиҗил енергийә вә енергийә үнүми җәһәттә наһайити зор мувәппәқийәтләрни қолға кәлтүргәнликини ейтти.

1710363
әрдоған: түркийә енергийә саһәсидә наһайити зор мувәппәқийәтләрни қолға кәлтүрди

түркийә авази радийоси хәвири: җумһур рәис әрдоған, «бирләшкән дөләтләр тәшкилати алий дәриҗилик рәһбәрләр енергийә дийалоги йиғини» ға йоллиған синлиқ телеграммисида, йәр шариниң иссип кетиши вә  килимат өзгиришиниң инсанийәт тарихидики әң муһим хирисларниң бири икәнликини, дунйаниң әң йирақтики булуң-пучқақлириниңму, килимат киризиси кәлтүрүп чиқарған тәбиий апәтләр, сағламлиқ мәсилилири, иқтисадий вә аммиви хирисларға дуч келиватқанлиқини, йәр шари характерлик һәмкарлиқ асасида һәрикәт қилғандила андин бу хирисларни бир тәрәп қилғили болидиғанлиқини тәкитләп мундақ деди: «буниң үчүнму арқиға чекинмәсликимиз, мәсулийәтни адаләт асасида өз үстимизгә елишқа капаләтлик қилишимизға тоғра келиду, бу нуқтида, әң зор төһпини енергийә саһәсиниң қошидиғанлиқи һәммигә айан, бу йәрдики формуламу наһайити ениқтур؛ әнәниви енергийә байлиқини ишлитишни азайтиш керәк, сиҗил һәм пакиз енергийә байлиқи саһәлирини кеңәйтип, енергийә үнүмини ашуруш лазим.»

түркийәниң сиҗил енергийә вә вә енергийә үнүми җәһәттә наһайити зор мувәппәқийәтләрни қолға кәлтүргәнликини әскәрткән җумһур рәис әрдоған, мундақ дәп көрсәтти: «сиҗил енергийә мәнбәлири  җәһәттә йавропа бойичә, 5 -, дунйа бойичә 12 орунда туримиз,  електр енергийәсидә игилигән нисбитимиз% 53 ни тәшкил қилиду»

у йәнә, түркийәниң, хәлқара җәмийәтниң мәсулийәтчан әзаси болуш сүпити билән, килимат кризисигә қарши күрәш вә пакиз енергийә һасил қилишқа капаләтлик қилишта зиммисигә йүкләнгән мәсулийитини ада қилишни давамлаштуридиғанлиқиниму сөзлиригә илавә қилди.



مۇناسىۋەتلىك خەۋەرلەر