«мәвҗудийәт дунйасидики тилимизни узуқлашдуруш, қоғдаш вә тәрәққий қилдуруш зөрүр»

җумһур рәис рәҗәп таййип әрдоған мәвҗудийәт дунйасида йашаватқан тилимизни узуқландуруш, қоғдаш вә тәрәққий қилдуруш үчүн түркчәниң ишлитилишигә әһмийәт беришниң зөрүрлүкини ейтти.

1710412
«мәвҗудийәт дунйасидики тилимизни узуқлашдуруш, қоғдаш вә тәрәққий қилдуруш зөрүр»

+ түркийә авази радийоси хәвири: җумһур рәис әрдоған, 26 – сентәбир «түрк тили байрими» күни мунасивити билән елан қилған байанатида, дунйадики санақлиқ тиллар қатаридин орун алған түрк тилиниң, миллий роһниң шәкиллиниши, миллий кимликниң ройапқа чиқирилиши вә йашитилишида асаслиқ амил икәнликини тәкитләп мундақ деди: ««тилимизниң пүткүл байлиқлирини бағриға бесиш еңиға асасән, түрк тилимизни қоғдаш наһайити зор әһмийәткә игә, мәвҗудийәт дунйасида йашаватқан мислисиз бир байлиқ болған тилимизни озуқландуруш, қоғдаш вә тәрәққий қилдуруш үчүн, түркчәмизни тоғра ишлитишкә давамлиқ әһмийәт беришимиз керәк, технологийә учқандәк тәрәққий қиливатқан вә дигиталлишиш күндилик һайатниң һәммә саһәлиридин чоңқур орун еливатқан бүгүнки дунйада, тилимизни чоқум җан тикип қоғдишимиз шәрт, түркчәниң сәнәт, әдәбийат, илим-пән вә маарип тили сүпитидә ишлитилишидин сирт йәнә, тилимизниң моллиқи вә чоңқурлуқини өз ичигә алған ағзаки вә йазма әсәрләрниң барлиқққа кәлтүрүлүши, мол тил байлиқимизни кәлгүси әвладларға мирас қалдуруш вә түркчәмизниң инавитини йоқири көтүрүштики муһим бир қәдәм болиду.»

җумһур рәис әрдоған, түркчәниң пасаһәтлик алаһидиликлири һәм гүзәлликлириниң кәшп қилинишиға төһпә қошқан барлиқ тилшунаслар, натиқлар вә пидакар қәләмкәшләрни миннәтдарлиқ билән йад етиш билән бир вақитта, «түрк тили байрими» күниниң, түркчәниң йашитилиши, кәлгүси әвладларға өз пети мирас қалдурулуши үчүн вәсилә болушиға тиләкдашлиқ билдүрди.



مۇناسىۋەتلىك خەۋەرلەر