erdoghan: amérika bilen bolghan munasiwetlirimiz kütülgen sewiyede emes

jumhur reis rejep tayyip erdoghan: «amérika qoshma ishtatliri bilen (biz) ikki nato döliti bolush süpitimiz bilen hazirqidin xélila perqliq nuqtida bolushimiz kérek» dédi.

1710198
erdoghan: amérika bilen bolghan munasiwetlirimiz kütülgen sewiyede emes

türkiye awazi radiyosi xewiri: jumhur reis erdoghan istanbulda jüme namizidin kéyin muxbirlargha bayanat bérip: «türkiye – amérika munasiwetliri hazirghiche méning arzuyum we hörmetlik (amérika pirézidénti jo) baydin bilen ötküzülgen uchrishishlardimu köngüldikidek yerde emes. ikki nato döliti bolush süpitimiz bilen biz, hazirqidin xélila perqliq nuqtida bolushimiz kérek. kütülgen nuqtida bolmisaq, bularnimu otturigha qoyush lazim» dédi.

amérika pirézidéntlirining héchbiri bilen bundaq bir mesilige duch kelmigenlikige isharet qilghan erdoghan: «amérika nöwette térrorluq teshkilatlirigha kütülüwatqinidin qatmuqat ashurup yardem bermekte. qarshi küresh qilishi kérek bolghan yerde, ulargha köp miqdarda qoral we nerse - kéreklerni bermekte. ehwal mushundaqla bolidighan bolsa, bizningmu bularni dunya jamaetchiliki bilen ortaqlishishimizgha toghra kélidu» dégenlerni qeyt qildi.

jumhur reis erdoghan rusiye prézidénti wiladimir putindin kütidighanlirining buningdin pütünley perqliq ikenlikini eskertip: «chünki, süriye hakimiyiti — epsuski — dölitimizning jenubida bizge nisbeten xewp shekillendürmekte. bu yerde bir dost dölet bolush süpiti bilen hörmetlik putindin, téximu toghrisi rusiyedin hemkarliqimizning rohigha uyghun halda perqliq pozitsiyelerde bolushini kütmektimen. bu küreshnimu jenubta birlikte qilishmiz kérek. melum bolghinidek, amérika nöwette süriyege bek köngülshiydighandek emes» dédi.

süriyede türkiye, iran we rusiyening barliqini otturigha qoyghan erdoghan: «eger u yernimu tinchliq rayonigha aylanduridighan bolsaq, arimizda söhbet ötküzishimiz shert.  bu heqte sözlishimiz. rusiye bilen ikki terep munasiwetlirimizni téximu ilgiri sürüshke tirishiwatimiz. chünki nishanimiz 100 milyard dollarliq soda hejimini qolgha keltürüshtin ibaret» dégenlerni sözlirige ilawe qildi.



مۇناسىۋەتلىك خەۋەرلەر