әрдоған б д т қорусидики гөбәклитәпә хатирә тешини зийарәт қилди

җумһур рәис рәҗәп таййип әрдоған америка қошма иштатлириниң нийу йорк шәһиридики бирләшкән дөләтләр тәшкилати баш мәркизи қорусида көргәзмә қилинған анадолуниң 12 миң йиллиқ  бинакарлиқ мираси болған гөбәклитәпә хатирә тешиниң нусхисини зийарәт қилди

1709089
әрдоған б д т қорусидики гөбәклитәпә хатирә тешини зийарәт қилди

түркийә авази радийоси хәвири: бирләшкән дөләтләр тәшкилати маарип, илим-пән вә мәдәнийәт оргини (UNESCO) ниң дунйа мәдәнийәт мираслири тизимликигә 2018 – йили киргүзүлгән,  анадолуниң 12 миң йиллиқ  бинакарлиқ мираси болған гөбәклитәпә хатирә тешиниң нусхиси, бирләшкән дөләтләр тәшкилати қорусида көргәзмә қилинишқа башлиди.

җумһур рәис рәҗәп таййип әрдоған, бирләшкән дөләтләр тәшкилатиниң 76 – нөвәтлик омумий кеңиши йиғинида нутуқ сөзлигәндин кейин, бирләшкән дөләтләр тәшкилати қорусида көргәзмә қилинған гөбәклитәпә хатирә тешиниң нусхисини зийарәт қилди.

гөбәклитәпә хатирә тешиниң нусхиси, бирләшкән дөләтләр тәшкилати қорусида көргәзмә қилинған иккинчи «қәдимки дәврдики анадолу» йадикарлиқи болди.

бирләшкән дөләтләр тәшкилати, гөбәклитәпәдики хатирә ташлириниң нусхилириға давамлиқ саһибханилиқ қилиду.

шанлиурфаға җайлашқан гөбәклитәпә, буниңдин 12 миң йил илгири бәрпа қилинған, тунҗи олтурақ райони сүпитидә билиниду.



مۇناسىۋەتلىك خەۋەرلەر