chawushoghlu bilen bilinkén nyuyorkta söhbet ötküzdi

türkiye awazi radiyosi xewiri: birleshken döletler teshkilati (b d t) ning 76-nöwetlik omumiy kéngesh yighinigha qatnishish üchün amérika qoshma ishtatlirining nyuyork shehirige barghan dölitimiz (türkiye jumhuriyiti) tashqi ishlar ministiri mewlüt chawushoghlu bilen amérikaliq mensepdishi antoni blinkén, afghanistan mesiliside ikki döletning dawamliq yéqindin hemkarlishidighanliqini tekitlidi.

mewlüt chawushoghlu bilen antoni blinkén nyuyorktiki bir méhmanxanida ayrim uchrishish ötküzüshtin ilgiri muxbirlargha qisqila bayanat berdi.

antoni blinkén bilen köp qétim téléfonda körüshkenlikini bildürgen mewlüt chawushoghlu: «afghanistan we bashqa nurghun sahelerdiki alahide hemkarliqinglargha köp rehmet éytimen. elwette, biz afghanistan mesiliside dawamliq hemkarlishimiz, hemkarliqimizni dawamlashturimiz. bashqa sahelerdiki hemkarliqlirimiznimu dawamlashturimiz» dédi.

blinkén bolsa, yéqinqi 9 ay ichide chawushoghlu bilen nurghun qétim téléfonlashqanliqini tekitlep: «bügün (tünügün) sözlishidighan nurghun nersilirimiz bar, biraq, biz türkiyening afghanistandiki küchlük shériklikidin intayin minnetdarmiz we birlikte heriket qilishni dawamlashturimiz» dédi.

yighinda süriye we kawkaz rayonigha alaqidar mesililer toghrisiidimu sözlishidighanliqlirini bildürgen  blinkén, türkiye bilen amérika qoshma ishtatlirigha «küchlük shérik we shimaliy atlantik ehdi teshkilati ittipaqdishi» dep baha berdi.