чавушоғлу билән билинкен нйуйоркта сөһбәт өткүзди

мәвлүт чавушоғлу билән америкалиқ мәнсәпдиши антони блинкен, афғанистан мәсилисидә икки дөләтниң давамлиқ йеқиндин һәмкарлишидиғанлиқини тәкитлиди.

1708916
чавушоғлу билән билинкен нйуйоркта сөһбәт өткүзди

түркийә авази радийоси хәвири: бирләшкән дөләтләр тәшкилати (б д т) ниң 76-нөвәтлик омумий кеңәш йиғиниға қатнишиш үчүн америка қошма иштатлириниң нйуйорк шәһиригә барған дөлитимиз (түркийә җумһурийити) ташқи ишлар министири мәвлүт чавушоғлу билән америкалиқ мәнсәпдиши антони блинкен, афғанистан мәсилисидә икки дөләтниң давамлиқ йеқиндин һәмкарлишидиғанлиқини тәкитлиди.

мәвлүт чавушоғлу билән антони блинкен нйуйорктики бир меһманханида айрим учришиш өткүзүштин илгири мухбирларға қисқила байанат бәрди.

антони блинкен билән көп қетим телефонда көрүшкәнликини билдүргән мәвлүт чавушоғлу: «афғанистан вә башқа нурғун саһәләрдики алаһидә һәмкарлиқиңларға көп рәһмәт ейтимән. әлвәттә, биз афғанистан мәсилисидә давамлиқ һәмкарлишимиз, һәмкарлиқимизни давамлаштуримиз. башқа саһәләрдики һәмкарлиқлиримизниму давамлаштуримиз» деди.

блинкен болса, йеқинқи 9 ай ичидә чавушоғлу билән нурғун қетим телефонлашқанлиқини тәкитләп: «бүгүн (түнүгүн) сөзлишидиған нурғун нәрсилиримиз бар, бирақ, биз түркийәниң афғанистандики күчлүк шерикликидин интайин миннәтдармиз вә бирликтә һәрикәт қилишни давамлаштуримиз» деди.

йиғинда сүрийә вә кавказ райониға алақидар мәсилиләр тоғрисиидиму сөзлишидиғанлиқлирини билдүргән  блинкен, түркийә билән америка қошма иштатлириға «күчлүк шерик вә шималий атлантик әһди тәшкилати иттипақдиши» дәп баһа бәрди.



مۇناسىۋەتلىك خەۋەرلەر