erdoghan: bizning térrorluq teshkilatlirigha tartquzup qoyidighan birmu perzentimiz yoq

jumhur reis rejep tayyip erdoghan: «meyli daésh, meyli p k k, meyli fetö (fethullahchi térrorluq teshkilati) bolsun, bizning térrorluq teshkilatlirigha tartquzup qoyidighan birmu yigitimiz, birmu perzentimiz yoq» dédi.

1708470
erdoghan: bizning térrorluq teshkilatlirigha tartquzup qoyidighan birmu perzentimiz yoq

türkiye awazi radiyosi xewiri: jumhur reis erdoghan nyoyorktiki yéngi türkewi (türk öyi) binasida turken wexpi heyitini qobul qildi؛ uchrishishta, özliri hakimiyet béshida turghan mezgilde yashlargha alaqidar xizmetlerge alahide sezgürlük bilen muamile qilip kelgenliklirini tilgha alghan erdoghan: «biz yashlirimizning özlirini eng yaxshi we eng mukemmel usulda yétishtürüshi üchün herqandaq pidakarliqni qilishtin bash tartmiduq. bir terepte, dölitimizning her qaysi  apparatliri oqush mukapat puli we yardemlerni qilghan bolsa,  yene bir tereptin wexpilirimizni righbetlendürüp her xil pursetlerni yaritip berduq. türken wexpimizmu paaliyetliri arqiliq hem öz yashlirimizgha, hem dölitimizning we türk – amérika jemiyitining kelgüsige meblegh salmaqta»dédi we sözini dawamlashturup:« meyli daésh, meyli p k k, meyli fetö (fethullahchi térrorluq teshkilati) bolsun, bizning térrorluq teshkilatlirigha tartquzup qoyidighan birmu yigitimiz, birmu perzentimiz yoq. bilip – bilmey bu teshkilatlarning torigha chüshüp qalghan, biz alaqilishelmigen, qolidin tutalmighan her bir yashning iztirapini qelbimizning chongqur qatlamlirida hés qilmaqtimiz» dégenlerni qeyt qildi.

arqidin jumhur reis erdoghan türkiye – amérika soda kéngishi (taik) ning amérika soda – sanaetchilirining ishtirak qilishi bilen ötküzülgen yighinigha ishtirak qildi.

türkiye bilen amérika otturisida peqet iqtisad we sodidila emes, xewpsizliktin térrorizmghiche, mudapiedin sélinmilarghiche bolghan nahayiti keng sahede intayin küchlük hemkarliq ornitish pursetlirining barliqigha isharet qilghan erdoghan: «türkiye bilen amérika qoshma ishtatliri ikki küchlük istratégiyelik shérik we 70 yilliq ittipaqdashtur. bu nahayiti alahide we küchlük asaslargha tayanghan hemkarliqimiz, uzun yillardin buyan dunyaning nurghun jaylirida tinchliq, muqimliq we xewpsizlikke töhpe qoshti» dédi.



مۇناسىۋەتلىك خەۋەرلەر