әрдоған: бизниң террорлуқ тәшкилатлириға тартқузуп қойидиған бирму пәрзәнтимиз йоқ

җумһур рәис рәҗәп таййип әрдоған: «мәйли даеш, мәйли п к к, мәйли фәтө (фәтһуллаһчи террорлуқ тәшкилати) болсун, бизниң террорлуқ тәшкилатлириға тартқузуп қойидиған бирму йигитимиз, бирму пәрзәнтимиз йоқ» деди.

1708470
әрдоған: бизниң террорлуқ тәшкилатлириға тартқузуп қойидиған бирму пәрзәнтимиз йоқ

түркийә авази радийоси хәвири: җумһур рәис әрдоған нйойорктики йеңи түркәви (түрк өйи) бинасида туркән вәхпи һәйитини қобул қилди؛ учришишта, өзлири һакимийәт бешида турған мәзгилдә йашларға алақидар хизмәтләргә алаһидә сәзгүрлүк билән муамилә қилип кәлгәнликлирини тилға алған әрдоған: «биз йашлиримизниң өзлирини әң йахши вә әң мукәммәл усулда йетиштүрүши үчүн һәрқандақ пидакарлиқни қилиштин баш тартмидуқ. бир тәрәптә, дөлитимизниң һәр қайси  аппаратлири оқуш мукапат пули вә йардәмләрни қилған болса,  йәнә бир тәрәптин вәхпилиримизни риғбәтләндүрүп һәр хил пурсәтләрни йаритип бәрдуқ. түркән вәхпимизму паалийәтлири арқилиқ һәм өз йашлиримизға, һәм дөлитимизниң вә түрк – америка җәмийитиниң кәлгүсигә мәбләғ салмақта»деди вә сөзини давамлаштуруп:« мәйли даеш, мәйли п к к, мәйли фәтө (фәтһуллаһчи террорлуқ тәшкилати) болсун, бизниң террорлуқ тәшкилатлириға тартқузуп қойидиған бирму йигитимиз, бирму пәрзәнтимиз йоқ. билип – билмәй бу тәшкилатларниң ториға чүшүп қалған, биз алақилишәлмигән, қолидин туталмиған һәр бир йашниң изтирапини қәлбимизниң чоңқур қатламлирида һес қилмақтимиз» дегәнләрни қәйт қилди.

арқидин җумһур рәис әрдоған түркийә – америка сода кеңиши (таик) ниң америка сода – санаәтчилириниң иштирак қилиши билән өткүзүлгән йиғиниға иштирак қилди.

түркийә билән америка оттурисида пәқәт иқтисад вә содидила әмәс, хәвпсизликтин терроризмғичә, мудапиәдин селинмиларғичә болған наһайити кәң саһәдә интайин күчлүк һәмкарлиқ орнитиш пурсәтлириниң барлиқиға ишарәт қилған әрдоған: «түркийә билән америка қошма иштатлири икки күчлүк истратегийәлик шерик вә 70 йиллиқ иттипақдаштур. бу наһайити алаһидә вә күчлүк асасларға тайанған һәмкарлиқимиз, узун йиллардин буйан дунйаниң нурғун җайлирида тинчлиқ, муқимлиқ вә хәвпсизликкә төһпә қошти» деди.



مۇناسىۋەتلىك خەۋەرلەر