türkiye bilen yawropa ittipaqi: qirimda ötküzülgen saylam qanuniy küchke ige emes

türkiye jumhuriyiti bilen yawropa ittipaqi qirimda ötküzülgen rusiye parlaméntining töwen palatasi — dölet dumasi saylimining qanuniy küchke ige emeslikini bildürdi.

1708383
türkiye bilen yawropa ittipaqi: qirimda ötküzülgen saylam qanuniy küchke ige emes

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi, bash elchi tanju bilgich qirimda ötküzülgen saylam toghrisidiki bir soalgha yazma jawab berdi.

bilgich, türkiyening ukrainaning zémin pütünlükini dawamliq qollaydighanliqini bayan qilip: «türkiye ukrainaning zémin pütünlükini dawamliq qollaydu we qirimning qanunsiz qoshuwélinishini étirap qilmaydu. bu dairide 2021 – yili 17 – séntebirdin 19 – séntebirgiche qirimda ötküzülgen rusiye fédératsiyesi dölet dumasi saylimining qirimgha munasiwetlik netijisi türkiye üchün héchqandaq qanuniy küchke ige emes» dégenlerni qeyt qildi.

bu jeryanda yawropa ittipaqimu rusiye qanunsiz qoshuwalghan qirimda ötküzülgen saylamni étirap qilmaydighanliqini jakarlidi.



مۇناسىۋەتلىك خەۋەرلەر