jumhur reis erdoghan amérikada ziyarette bolidu

jumhur reis rejep tayyip erdoghan 21 – séntebir küni niyu york shehiride chaqirilidighan birleshken döletler teshkilati omumiy kéngishi yighinlirigha qatnishish üchün amérika qoshma ishtatlirida ziyarette bolidu.

1707566
jumhur reis erdoghan amérikada ziyarette bolidu

türkiye awazi radiyosi xewiri: jumhur reis erdoghanning, birleshken döletler teshkilati omumiy kéngishida sözleydighan nutiqida, yene bir qétim dunyadiki adaletsizlikler heqqide alahide toxtilishi kütülmekte.

türkiye, musapirlargha yardem qolini sununuwatqan bir peytte, bu mesilide dunyaning tereqqiy tapqan elliri türkiyeni qollimaywatidu. amérika qoshma ishtatlirining afghanistandin esker chékindürüshidin kéyin otturigha chiqqan kirizis, yéngi xirislarni keltürüp chiqarmaqta.

dunyadiki köchmenlik dolqunlirini aldimizdiki yillarda bashqa bir amilning yenimu yüksek sewiyege yetküzüshi kütülmekte. yer shari xaraktérlik kilimat özgirishi kirizisi chongqurlashmaqta. milyonlarche insanning yémek - ichmek we pakiz sugha érishishi qiyinlashmaqta. bu bolsa kilimat özgirishige seweb bolmaqta.

dunya rehberliri mana mushundaq bir küntertip boyiche, birleshken döletler teshkilati omumiy kéngishining  amérika qoshma ishtatlirining niyu york shehiride chaqirilidighan yighinlirigha qatnishidu.

jumhur reis erdoghan yene, düshenbe küni birleshken döletler teshkilati binasining uduligha sélinghan 36 qewetlik türk öyining échilishighimu ishtirak qilidu.



مۇناسىۋەتلىك خەۋەرلەر