түркийә билән йавропа иттипақи оттурисида килимат дийалоги өткүзүлди

муһит вә шәһәрчилик министири мурат курум билән йавропа иттипақи комитетиниң пешқәдәм муавин башлиқи франс тиммермансниң килимат сөһбити өткүзгәнлики билдүрүлди.

1707197
түркийә билән йавропа иттипақи оттурисида килимат дийалоги өткүзүлди

түркийә авази радийоси хәвири: муһит вә шәһәрчилик министири мурат курум билән йавропа иттипақи комитетиниң пешқәдәм муавин башлиқи франс тиммерманс (Frans Timmermans), «килимат» темилиқ йуқири сәвийәлик дийалог рамкисида, белгийә пайтәхти бирйусселда бир йәргә җәм болди.

йавропа комитети бинасида өткүзүлгән учришиш тоғрисида елан қилинған ортақ байанатта, министир курум билән комитет әзаси тиммермансниң карбон баһасини бекитиш сийасәтлирини музакирә қилғанлиқи қәйт қилинди.

байанатта, учришишта килимат өзгиришигә маслишиш, килимат өзгириши вә биологийәлик хилму хиллиқниң йоқилишиға қарши күрәштә, тәбиәтни асас қилған һәл қилиш чарилиридин пайдилинишму күнтәртипкә кәлгәнлики билдүрүлди.

байанатта, министир мурат курумниң: «түркийә билән йавропа иттипақи оттурисидики йуқири дәриҗилик килимат дийалогини килимат өзгиришигә қарши күрәштә өзара һәмкарлиқларни күчәйтидиған вә түркийәниң йавропа иттипақиға қатнишиш мусаписини қоллайдиған чоң пурсәт дәп қараймән. түркийә килимат өзгиришигә қарши күрәшни сийасәттин үстүн туридиған мәсилә дәп қарапла қалмастин, бәлки йәнә хәвпсизлик вә тәрәққийат мәсилиси дәпму қарайду.  шуңа, түркийә килимат өзгиришигә қарши тиришчанлиқлирини қәтий давамлаштурмақта» дегәнлики әскәртилди.

йавропа иттипақи комитетиниң муавин башлиқи франс тиммерманс бу йил (2021) йаз, болупму ақдеңиз әтрапида йүз бәргән еғир апәтләрниң илмий синарийәләрниң растлиқини көрсәткәнликини қәйт қилди.

у йәнә, барлиқ дөләтләрниң килимат мәсилисидә, дәрһал һәрикәткә өтүши вә ениқ вәдә беришигә еһтийаҗлиқ икәнликлирини тәкитлиди.

учришишларниң түркийә билән йавропа ититипақи оттурисида техникилиқ сәвийәдә давамлишидиғанлиқи, министирларниң 2022-йилиниң бешида вәзийәткә қарап чиқидиғанлиқи билдүрүлди.



مۇناسىۋەتلىك خەۋەرلەر