erdoghan: upuqta büyük we qudretlik türkiye menzirisi köründi

jumhur reis erdoghan pirézidéntliq mehkimiside ötküzülgen «ishchilar bilen uchrishish» pirogrammisigha qatniship muhim söz qildi.

1706131
erdoghan: upuqta büyük we qudretlik türkiye menzirisi köründi

türkiye awazi radiyosi xewiri: jumhur reis rejep tayyip erdoghan yéqinqi mezgildiki sanaet ishlepchiqirish, éksport, ishqa orunlishish we iqtisadning téz sürette éshishigha egiship, türkiyening yuqumdin ilgiriki mezgildin halqip ketkenlikini bayan qilip, «upuqta büyük we qudretlk türkiye menzirisi köründi» dédi.

jumhur reis erdoghan pirézidéntliq mehkimiside ötküzülgen «ishchilar bilen uchrishish» pirogrammisigha qatnashti we u yerdiki sözide, özlirining yéqinqi 19 yildiki ishqa orunlashturulghanlar sanini 9 milyon 500 ming adem köpeytkenliklirini, ishchi - xizmetchilerning kirim sewiyesini nechche hesse ashurghanliqlirini tekitlep: «milliy kirimimiz türk lirasi nuqtisidin 11 hesse ashti, eng töwen ish heqqi 16 hessige yéqin ashti. biz dölitimizge qilghan xizmet we mulazimetlirimiz arqiliq parawanliq sewiyesini ashurushqa tirishtuq» dédi.

erdoghan: «türkiye tereqqiy qilghanséri we béyighanséri her bir puqraning parawanliq derijisi ösidu. biz <biz dölitimizni dunyadiki 10 chong iqtisadiy gewdining birige aylandurimiz> déginimizde, biz buni barliq kishiler üchün deymiz. héchkim bizning ewladlirimizgha hemme arzu qilidighan bir dölet qaldurup kétidighanliqimizdin gumanlanmasliqi kérek» dégenlerni sözlirige ilawe qildi.


خەتكۈچ: #uyghurche , #erdoghan , #türkiye

مۇناسىۋەتلىك خەۋەرلەر